Миср BRICS’га қўшилиш учун ариза топширди. Бу ҳақда 14 июнь, чоршанба куни Россиянинг Қоҳирадаги элчиси Георгий Борисенко ТАСС агентлигига берган интервьюсида маълум қилди.
Дипломатнинг сўзларига кўра, айни пайтда бирлашма шуғулланаётган ташаббуслардан бири бу савдони муқобил валюталарга максимал даражада ўтказиш, хоҳ у миллий валюта бўлсин, хоҳ қандайдир қўшма валюта — фарқи йўқ.
“Миср BRICS’га қўшилишдан жуда манфаатдор”, деди Борисенко.
Борисенконинг қўшимча қилишича, Миср бошқа давлатлар, хусусан, Россия билан савдо-сотиқ ва бошқа турдаги иқтисодий ҳамкорликни ривожлантиришга катта хоҳиш билдирмоқда.
BRICS — Бразилия, Россия, Ҳиндистон, Хитой ва Жанубий Африкани ўз ичига олган давлатлараро бирлашма. У 2006 йил июнь ойида Бразилия, Россия, Ҳиндистон ва Хитой иқтисодиёт вазирлари иштирокидаги Санкт-Петербург иқтисодий форуми доирасида ташкил этилган. Кейинчалик бу гуруҳга Жанубий Африка қўшилди.
Изоҳ (0)