Britaniyaning Henley&Partners konsalting kompaniyasining New World Wealth bilan birgalikda yaratgan hisobotiga ko‘ra, 2022-yil oxirida Xitoy va Rossiya dollardagi millionerlar eng ko‘p chiqib ketgan davlatlar ro‘yxatida birinchi o‘rinni egalladi.
O‘tgan yili Xitoyni 10,8 ming, Rossiyani esa 8,5 ming millioner tark etgan. Avvalroq tahlilchilar kamida 15 ming millioner Rossiyadan ketishini taxmin qilgan edi.
Rossiyadan chiqib ketish kutilganidan ikki baravar kam bo‘ldi. Henley&Partners bu tafovutni “rossiyaliklar uchun ko‘plab investitsion fuqarolik va rezidentlik dasturlari yopilishi, xorijiy bank hisoblarining muzlatilishi va boshqa sanksiyalar, shuningdek, taniqli boy odamlarning ko‘chib o‘tishini qiyinlashtirgan mamlakat mexanizmlari” bilan izohladi.
Xitoy va Rossiyadan keyin millionerlar tark etishi bo‘yicha yetakchi davlatlar 10 taligiga quyidagilar kiradi:
- Hindiston — 7,5 ming;
- Gonkong — 2,4 ming;
- Braziliya — 8 ming;
- Buyuk Britaniya — 1,6 ming;
- Meksika — 800;
- Janubiy Koreya va Janubiy Afrika — har biri 400 nafar.
Mutaxassislarning fikricha, 2022-yilda eng ko‘p millionerlar Birlashgan Arab Amirliklari (5,2 ming), Avstraliya (3,8 ming), Singapur (2,9 ming), Shveysariya (2,2 ming) va AQSHga (1,5 ming) kelgan.
Izoh (0)