Украина мудофаа вазири Алексей Резников кенг кўламли уруш бошида ғарблик ҳамкорлар Украинанинг ғалабасига ишонмаган ва қурол сўровларига “хандақ қазиш” тавсиялари билан жавоб қайтарганини эслади. Бу ҳақда Foreign Affairs хабар берди.
“Биз сўрадик: Stinger (Американинг портатив зенит-ракета мажмуаси) берасизларми? Йўқ, хандақлар қазинг ва ҳамма нарса тугагунча иложи борича кўпроқ русларни ўлдиринг, деб жавоб беришди. Одамлар бизнинг ғалабамизни имконсиз деб ўйлашди”, — дейди у.
Разниковга кўра, АҚШ, Европа давлатлари ва бошқа ҳамкор давлатлар Украина қўшинлари қаршилик кўрсатиб, жангни давом эттираётганини кўрганларида вазият ўзгарган.
“Энди Украинада Американинг Bradley ва Stryker пиёда жанговар машиналари, Американинг Abrams танклари, немис леопардлари ва яна кўп техникалар бор”, — деди Резников.
Изоҳ (0)