2022-yilda dunyoda yadro quroliga sarflangan xarajatlar 82,9 milliard dollargacha oshdi, AQSH bunda yetakchilik qilmoqda. Yadro qurollarini bekor qilish bo‘yicha xalqaro kampaniya (ICAN) tegishli hisobotni e’lon qildi.
To‘qqizta (yadro quroliga ega) davlat yadroviy qurolga 82,9 milliard dollar sarfladi, shundan xususiy sektor 2022-yilda kamida 29 milliard dollar ishlab topdi.
“AQSH yadro quroliga ega boshqa davlatlardan ko‘proq, ya’ni 43,7 milliard dollar sarfladi. Rossiya AQSH xarajatlarining 22 foizini — 9,6 milliard, Xitoy esa 11,7 milliard dollar sarfladi”, — deyiladi hisobotda.
ICAN hisob-kitoblariga ko‘ra, 2022-yilda bu sohadagi xarajatlar 2021-yilga nisbatan 2,1 milliard dollarga oshgan, bu hisobot ketma-ket to‘rtinchi yil yadroviy qurolga global xarajatlar keskin oshganiga ishora qiladi.
Qayd etilishicha, “iqlim o‘zgarishi tahdidlaridan tortib, kovid pandemiyasigacha bo‘lgan doimiy o‘zgaruvchan va murakkab xavfsizlik muhiti” va Ukrainadagi voqealar sharoitida “yadroviy qurolga sarflanadigan xarajatlar muttasil ortib bormoqda, bu esa xavfsizlik borasida sezilarli yaxshilanishga olib kelmadi.
Yadro quroliga ega bo‘lgan va rasman tan olingan to‘qqizta davlat :
- AQSH
- Rossiya
- Xitoy
- Fransiya
- Birlashgan Qirollik
- Pokiston
- Hindiston
- Isroil
- Shimoliy Koreya
Izoh (0)