Chexiya tashqi ishlar vaziri Yan Lipavskiy Rossiyaning Afrika qit’asiga ta’sirini zaiflashtirish choralarini ko‘rish kerakligini aytdi. Bu haqda “RIA Novosti” xabar berdi.
Lipavskiyning so‘zlariga ko‘ra, u Rossiyaning butun dunyodagi ta’sirini imkon qadar kamaytirishga harakat qilish uchun “burch va imkoniyat”ga ega. Siyosatchi ayniqsa Moskvaning Afrikadagi taʼsiriga qarshi kurashish muhimligini ta’kidladi.
Diplomatning tushuntirishicha, XXI asrda Yevropa mintaqaga juda kam e’tibor qaratgan, deyarli qiziqmagan. 2022-yil fevralidan keyin ko‘p narsa o‘zgardi va endi Yevropa Ittifoqi davlatlari Afrika mamlakatlariga Rossiyadan ko‘ra qulayroq sharoitlarni taqdim etishga tayyor.
Chexiya TIV rahbari tez orada besh kunlik tashrif bilan Afrikaga boradi. Unga chexiyalik tadbirkorlar va olimlardan iborat delegatsiya hamrohlik qiladi.
Izoh (0)