2022 йилда дунёда ядро қуролига сарфланган харажатлар 82,9 миллиард долларгача ошди, АҚШ бунда етакчилик қилмоқда. Ядро қуролларини бекор қилиш бўйича халқаро кампания (ИCАН) тегишли ҳисоботни эълон қилди.
Тўққизта (ядро қуролига эга) давлат ядровий қуролга 82,9 миллиард доллар сарфлади, шундан хусусий сектор 2022 йилда камида 29 миллиард доллар ишлаб топди.
“АҚШ ядро қуролига эга бошқа давлатлардан кўпроқ, яъни 43,7 миллиард доллар сарфлади. Россия АҚШ харажатларининг 22 фоизини — 9,6 миллиард, Хитой эса 11,7 миллиард доллар сарфлади”, — дейилади ҳисоботда.
ИCАН ҳисоб-китобларига кўра, 2022 йилда бу соҳадаги харажатлар 2021 йилга нисбатан 2,1 миллиард долларга ошган, бу ҳисобот кетма-кет тўртинчи йил ядровий қуролга глобал харажатлар кескин ошганига ишора қилади.
Қайд этилишича, “иқлим ўзгариши таҳдидларидан тортиб, ковид пандемиясигача бўлган доимий ўзгарувчан ва мураккаб хавфсизлик муҳити” ва Украинадаги воқеалар шароитида “ядровий қуролга сарфланадиган харажатлар муттасил ортиб бормоқда, бу эса хавфсизлик борасида сезиларли яхшиланишга олиб келмади.
Ядро қуролига эга бўлган ва расман тан олинган тўққизта давлат :
- АҚШ
- Россия
- Хитой
- Франция
- Бирлашган Қироллик
- Покистон
- Ҳиндистон
- Исроил
- Шимолий Корея
Изоҳ (0)