Taʼmirlash ishlari tufayli 8-iyun kuni Toshkent shahrining Sergeli va Chilonzor tumanlarining baʼzi joylarida gaz taʼminoti vaqtinchalik to‘xtatiladi. Bu haqda “Hududgazta‘minot” AJ axborot xizmati xabar berdi.
Unga ko‘ra, Sergeli tumani “Mehrigiyo” MFY, Sergeli-7 mavzesi hududida joylashgan ATS oldidan o‘tgan o‘rta bosim D-57 mm gaz quvurini tartibga keltirish ishlari hamda Chilonzor tumani “Bog‘zor” MFY 7-mavze 44-uy oldidagi yer osti D-57 o‘rta bosim gaz quvuridagi gaz sizib chiqish holatini bartaraf qilish ishlari rejalashtirilgan.
Ushbu ishlarni bajarishda 2023-yil 8-iyun kuni soat 10:00 dan 16:00 ga qadar quyidagi tabiiy gaz isteʼmolchilarida gaz taʼminoti vaqtinchalik to‘xtatiladi. Aholi isteʼmolchilar:
- Sergeli-6 mavzesi “Mehrigiyo” MFYda jami 23 ta ko‘p qavatli uylardagi 2587 ta xonadon;
- “Lutfiy” va “1-Qatortol” MFYlardagi jami 400 ta yerli xonadon;
- “Bog‘zor” va “Oqtepa” MFYlarning ko‘p qavatli uylardagi jami 3430 ta xonadon.
Ulgurji isteʼmolchilar:
- Sergeli-6 mavzesi “Mehrigiyo” MFYda jami 15 ta ulgurji isteʼmolchilar;
- “Bog‘zor” MFY hududidagi jami 18 ta ulgurji isteʼmolchilar.
- Yetkazilayotgan noqulayliklar uchun “Hududgaz Poytaxt” GTF isteʼmolchilardan uzr so‘radi.
Izoh (0)