Toshkent va Grozniy o‘rtasida muntazam parvozlar yo‘lga qo‘yilishi haqida xabar berilgan edi. Transport vazirligi parvozlar qachondan boshlanishini e’lon qildi.
Unga ko‘ra, Toshkent—Grozniy—Toshkent yo‘nalishi bo‘yicha muntazam parvozlar Uzbekistan Airways samolyotlarida 26-iyundan boshlanadi. To‘g'ridan-to‘g‘ri aviaqatnovlar haftasiga ikki marta, dushanba/seshanba va payshanba/juma kunlari (ortga qaytuvchi reyslar keyingi kunga o‘tadi) amalga oshiriladi.
5-may kuni Checheniston hukumati raisi Muslim Xuchiyev Uzbekistan Airways’ning Rossiyadagi mintaqaviy vakili Z.N.Abudullayev bilan uchrashuvda yangi xalqaro reysni yo‘lga qo‘yish va parvozlar geografiyasini yanada kengaytirish masalalarini muhokama qilgandi.
O‘shanda Xuchiyev Toshkent va Grozniy o‘rtasida muntazam parvozlar Checheniston va O‘zbekiston o‘rtasidagi yo‘lovchi tashish hajmini oshirishga xizmat qilishi va mintaqa iqtisodiyoti rivojiga qo‘shimcha turtki berishini aytgandi.
Izoh (0)