O‘zbekistonlik erkak terrorchilik tashkiloti yollovchilarining taʼsiriga tushib, Suriyada jangovar harakatlarda qatnashib kelayotgani aniqlandi. Bu haqda IIV axborot xizmati xabar berdi.
Unga ko‘ra, holat IIV va DXX xodimlari tomonidan hamkorlikda olib borilgan tezkor surishtiruvlar davomida aniqlangan. 1983-yilda Toshkent shahrida tug‘ilgan G.D. Turkiyaga borib, u yerda “Tavhid va jihod katibasi” terrorchilik tashkiloti yollovchilarining taʼsiriga tushgan.
U aylanma yo‘llar orqali Suriyaga o‘tib, ushbu tashkilot safiga qo‘shilgani, hozirda jangovar harakatlarda qatnashib kelayotgani ma‘lum bo‘lgan. Mazkur holat yuzasidan Jinoyat kodeksining 244-moddasi bilan jinoyat ishi qo‘zg‘atilgan.
Izoh (0)