Gomes 320 kvadrat metrlik bungalo (bitta oilaga mo‘ljallangan bir qavatli uy)ni 2017-yilning may oyida sotib olgan. Los-Anjelesning nufuzli hududida joylashgan ko‘chmas mulk yulduzga 2,25 million dollarga tushgandi.
Olti metr balandlikdagi buta orqasida joylashgan uy Amerika kottejlarining klassikasidir. Oq g‘ishtli fasad neytral tonlarda bezatilgan, mustahkam eman pollar malaxit rangli marmar kamin bilan bezatilgan sokin mehmonxonaga eltadi.
Katta oshxona oq mebel, marmar stol, zanglamaydigan po‘latdan yasalgan buyumlar va g‘ishtli pechka bilan jihozlangan. Ovqat tayyorlanadigan maxsus joy panoramali derazali keng xonaga ochiladi, bu yerdan mehmonlarni qabul qilish uchun ham, ish uchun ham foydalaniladi.
Uyning o‘ziga xos xususiyati — narsalarni o‘qish va saqlash uchun maxsus burchaklarning mavjudligi. Uyda ikkita mehmonlar uchun yotoqxona, ikkita kiyinish xonasi bo‘lgan asosiy yotoqxona va oq marmar bilan bezatilgan hashamatli hammom mavjud.
Uyning birinchi qavatidagi fransuz eshiklari orqali orqa hovliga chiqish mumkin. U yerda tosh bilan qoplangan tor basseyn, ovqatlanish joyi va ochiq ayvon bor. Uyning bu qismidagi yo‘laklar eski g‘ishtlar naqshlar bilan qoplangan. Bundan tashqari oilaviy ovqat tayyorlash uchun grill panjarasi ham bor. Yon tomonda mevali daraxtlar va sabzavot egatlari bilan o‘ralgan spa-salon joylashgan. Bir kechaga qolishni istagan mehmonlar uchun mehmonxona va hammomi, shuningdek, yoga studiyasi bo‘lgan to‘liq jihozlangan alohida uy mavjud. Aytgancha, bu uy ilgari ikki mashinaga mo‘ljallangan garaj edi, lekin Selena bunga muhtoj emasligidan uni foydaliroq binolarga aylantirishga qaror qildi
Vaqt o‘tishi bilan xonanda interyerga rang-baranglik qo‘shdi — masalan, mehmonxonada o‘t-yashil baxmal divan paydo bo‘ldi va uning tepasida Selenaning hiti sharafiga Fetish yozuvi tushirilgan parda ham. Ammo bu uyning atmosferasi o‘zgarishsiz qoldi, shuningdek, dominant rang — oq, u tozalik tuyg‘usini yaratadi va ijodkorni ilhomlantiradigan tayanch nuqta bo‘lib xizmat qiladi.
Gomes to‘rt yil shu yerda yashaganidan so‘ng uyini sotdi. Ko‘chmas mulk 2,37 million dollarga sotilgan, bu uning dastlabki narxidan biroz ko‘proq. Bu va yana bir uyining sotilishi marhum musiqachi Tom Pettiga tegishli bo‘lgan Ensiondagi uyni sotib olish uchun edi. 6 ta yotoqxonali, 8 ta yuvinish xonasi bor yangi uy yulduzga 4,9 million dollarga tushdi.
Izoh (0)