Гомес 320 квадрат метрлик бунгало (битта оилага мўлжалланган бир қаватли уй)ни 2017 йилнинг май ойида сотиб олган. Лос-Анжелеснинг нуфузли ҳудудида жойлашган кўчмас мулк юлдузга 2,25 миллион долларга тушганди.
Олти метр баландликдаги бута орқасида жойлашган уй Америка коттежларининг классикасидир. Оқ ғиштли фасад нейтрал тонларда безатилган, мустаҳкам эман поллар малахит рангли мармар камин билан безатилган сокин меҳмонхонага элтади.
Катта ошхона оқ мебель, мармар стол, зангламайдиган пўлатдан ясалган буюмлар ва ғиштли печка билан жиҳозланган. Овқат тайёрланадиган махсус жой панорамали деразали кенг хонага очилади, бу ердан меҳмонларни қабул қилиш учун ҳам, иш учун ҳам фойдаланилади.
Уйнинг ўзига хос хусусияти — нарсаларни ўқиш ва сақлаш учун махсус бурчакларнинг мавжудлиги. Уйда иккита меҳмонлар учун ётоқхона, иккита кийиниш хонаси бўлган асосий ётоқхона ва оқ мармар билан безатилган ҳашаматли ҳаммом мавжуд.
Уйнинг биринчи қаватидаги француз эшиклари орқали орқа ҳовлига чиқиш мумкин. У ерда тош билан қопланган тор бассейн, овқатланиш жойи ва очиқ айвон бор. Уйнинг бу қисмидаги йўлаклар эски ғиштлар нақшлар билан қопланган. Бундан ташқари оилавий овқат тайёрлаш учун грилл панжараси ҳам бор. Ён томонда мевали дарахтлар ва сабзавот эгатлари билан ўралган спа-салон жойлашган. Бир кечага қолишни истаган меҳмонлар учун меҳмонхона ва ҳаммоми, шунингдек, ёга студияси бўлган тўлиқ жиҳозланган алоҳида уй мавжуд. Айтганча, бу уй илгари икки машинага мўлжалланган гараж эди, лекин Селена бунга муҳтож эмаслигидан уни фойдалироқ биноларга айлантиришга қарор қилди
Вақт ўтиши билан хонанда интерерга ранг-баранглик қўшди — масалан, меҳмонхонада ўт-яшил бахмал диван пайдо бўлди ва унинг тепасида Селенанинг ҳити шарафига Фетиш ёзуви туширилган парда ҳам. Аммо бу уйнинг атмосфераси ўзгаришсиз қолди, шунингдек, доминант ранг — оқ, у тозалик туйғусини яратади ва ижодкорни илҳомлантирадиган таянч нуқта бўлиб хизмат қилади.
Гомес тўрт йил шу ерда яшаганидан сўнг уйини сотди. Кўчмас мулк 2,37 миллион долларга сотилган, бу унинг дастлабки нархидан бир оз кўпроқ. Бу ва яна бир уйининг сотилиши марҳум мусиқачи Том Петтига тегишли бўлган Энсиондаги уйни сотиб олиш учун эди. 6 та ётоқхонали, 8 та ювиниш хонаси бор янги уй юлдузга 4,9 миллион долларга тушди.
Изоҳ (0)