Dunyo bo‘ylab muxlislarga ega mashhurlar orasida moliyaviy ahvoli haqida o‘ylamay pul sarflaydiganlari ham bor. Quyida shu kabi mashhurlarning qimmatbaho, g‘alati xaridlari haqida ma’lumot beramiz.
Peris Hilton
It insonning do‘sti va egasidan yomon yashashi kerak emas. Peris 2009-yilda ikkita iti uchun 325 000 dollarga villa sotib oldi. Villa 300 kvadrat metr dizaynga ega mebellari bilan to‘ldirilgan. Bundan tashqari, unda itlarning yugurishi uchun mo‘ljallangan joy bor.
Jay-Z va Beyonse
95 000 dollarlik guldasta, 2 000 dollarlik tort, kiyimiga olmos qadalgan Barbi — bularning barchasini Jay-Z va Beyonse qizi Blu Ayvining birinchi tug‘ilgan kuni uchun sotib olgan.
Selin Dion
Xonanda Selin Dion maxsus havoni namlantiruvchi qurilma sotib olishga 2 million dollar sarflagan. Selinning aytishicha, odatiy kislorod uning tovush paychalariga zarar yetkazadi.
Donald Tramp
Samolyotda kimgadir qulay o‘rindiq, yaxshi naushniklar va sokin hamroh kerak, biroq Donald Trampga bularning keragi yo‘q. Unga dengiz tuzi, ko‘pik va rang-barang sharchalar kerak, AQSH sobiq prezidenti samolyot bortida cho‘milishni yaxshi ko‘radi.
Tom Kruz
2005-yilda Tom Kruz va uning o‘shanda homilador bo‘lgan sevgilisi Keti Xolms uxlashdan avval televizor emas, UTT apparatini tomosha qilishgan. Juftlik ushbu apparatni 200 ming dollarga sotib olgan va keyinchalik bu texnologiya mo‘jizasi shifoxonalardan biriga taqdim etilgan.
Arnold Shvarsenegger
Arnold Shvarsenegger 74 yoshida haqiqiy tank sotib oldi. Ushbu jangovar mashina “temir Arni”ga 1,4 million dollarga tushdi.
