Самарқанд вилояти Қўшработ туманида кондан олтин қазиб олмоқчи бўлган йигит тош босиши оқибатида ҳалок бўлгани айтилмоқда. Бош прокуратура ҳолат юзасидан “Дарё”га маълумот берди.
Мазкур туманда яшовчи аёл ижтимоий тармоқларда мурожаат билан чиқиб, конга олтин қазиш учун кетган ўғли 2 ойдан буён бедарак йўқолганини айтган. Унинг сўзларига кўра, ўғлини тош босиб қолгани ҳақида хабар берилган. Бироқ жасади ҳамон топилмаган.
Бош прокуратура ҳолат ростдан ҳам содир бўлганини маълум қилди. Ҳозирда Қўшработ туман прокуратураси томонидан терговга кадар текшириш ҳаракатлари олиб борилмоқда. Бедарак йўқолган С.А.ни топиш бўйича барча тезкор-қидирув тадбирлари ўтказилмоқда.
Изоҳ (0)