Andijon viloyatining Andijon tumanida mayning kripto-aktivlari qurilmalari o‘rnatilgan xonadon aniqlandi. Bu haqda Bosh prokuratura huzuridagi departament xabar berdi.
![](/static/nigora/imgonline-com-ua-FrameBlurred-3gRvB9BnXDo9n.jpg)
Departamentning Andijon tuman bo‘limi tomonidan ETK xodimlari bilan hamkorlikda o‘tkazilgan tadbirda aniqlanishicha fuqaro M.I. o‘z uyida 45 ta to‘plamdagi “Bitmain” mayning kripto-aktivlari qurilmalarini o‘zboshimchalik bilan umumiy foydalanishdagi elektr tarmoqlariga ulab, jami 323,4 million so‘mlik elektr energiyasidan noqonuniy foydalangan.
Mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Noqonuniy mayning fermalari
Bundan avval ham Andijonda mayning kripto-aktivlari qurilmalari o‘rnatgan shaxs aniqlangandi. Unda 183,6 million so‘mlik elektr energiyasidan noqonuniy foydalanilgan. Shuningdek, Buxoroda davlatga 2,66 milliard so‘mlik zarar keltirgan noqonuniy mayning ferma aniqlangani, Nurafshonda mayning kripto-aktivlari qurilmalarini o‘rnatganlar ushlangani, Andijonda noqonuniy mayning ferma tashkil qilgan shaxs qo‘lga olingani to‘g‘risida xabar berilgandi.