Футбол бўйича Германия Бундеслигасининг 33-турида “Бавария” 20 май, шанба куни “Лейпциг”га қарши баҳс олиб борди.

Учрашувнинг 25-дақиқасида Серж Гнабри ҳисобни очди. Биринчи бўлим мюнхенликларнинг минимал устунлигида тугади. Иккинчи бўлимда меҳмонлар фаолликни оширди. Дастлаб, 64-дақиқада Конрад Лаймер мувозанатни тиклади. 76-дақиқада Кристофер Нкунку “Лейпциг”нинг иккинчи голини урди. 86-дақиқада Доминик Собослаи пенальтидан унумли фойдаланиб, ҳисобни ишончли кўринишга олиб келди. 

“Лейпциг” очколари сонини 63 тага етказиб, 3-ўринни мустаҳкамлади. “Бавария” эса 68 очко билан биринчи ўринда қолди. Бироқ, иккинчи ўриндаги “Боруссия Д” ўз ўйинида ғалаба қозонса, биринчи ўринга чиқиб олади. 

Бундеслига

33-тур баҳси

20 май, шанба

“Бавария” – “Лейпциг” 1:3

Голлар: 1:0 – 25 Гнабри, 1:1 – 64 Лаймер, 1:2 – 76 Нкунку (пенальти), 1:3 – 86 Собослаи (пенальти).

“Бавария”: Зоммер, Мазрауи (Мане, 86), Павар, де Лигт, Жоау Канселу (Упамекано, 86), Горетцка (Гравенберх, 69), Киммих, Мюллер, Коман (Тел, 77), Мусиала, Гнабри (Сане, 69).

“Лейпциг”: Бласвих, Симакан (Хенрихс, 46), Орбан, Гвардиол (Клостерманн, 87), Ҳалстенберг, Лаймер, Олмо (Диалло, 87), Айдара (Кампл, 69), Собослаи, Андре Сильва (Форсберг, 69), Нкунку.

Огоҳлантиришлар: Гвардиол (68), Павар (72).