Superliga. Ikkita qizil kartochka ko‘rsatilgan o‘yinda “Surxon” “Metallurg”ni mag‘lub etdi

Futbol bo‘yicha O‘zbekiston Superligasining 11-turida “Surxon” 20-may, shanba kuni “Metallurg”ga qarshi bahs olib bordi.

Uchrashuvning 13-daqiqasida “Metallurg” futbolchisi Ergash Ismoilovga qizil kartochka ko‘rsatildi. O‘yinning 26-daqiqasida esa “Surxon” o‘yinchisi Kamron Saydazimov ham maydondan chetlatildi. O‘yin taqdirini “Surxon” vakili Silvanus Nimelining 36-daqiqada kiritgan goli hal qildi.

Mazkur bahsdan so‘ng “Surxon” jamoasining ochkolari 15 taga yetdi va oltinchi o‘ringa ko‘tarildi. “Metallurg” esa yetti ochko bilan 12-o‘rinda bormoqda.

Superliga

11-tur bahsi

20-may, shanba

“Surxon” – “Metallurg” 1:0

Gol: 1:0 — 36 Silvanus Nimeli.

“Surxon”: 1. Artyom Potapov, 2. Bobur Asqarov (17. Jahongir Abdusalomov, 83), 5. Azizbek Pirmuhammedov (10. Tamerlan Jamoletdinov, 69), 6. Artyom Sokal 7. Doston Tursunov, 8. Humoyun Sherbo‘tayev, 18. Silvanus Nimeli (77.Asadbek Karimov, 58, 3.Sunnatulloh Hamidjonov, 83), 27. Asilbek Jumayev (17. Jahongir Abdusalomov, 81), 55. Shohjahon Sultonmurodov, 66. Bexruz Shaydulov, 99. Kamron Saydazimov.

“Metallurg”: 12. Aleksandr Lobanov, 4. Kerim Palich, 6. Xudoyshukur Sattorov (10. Bektemir Abdumannonov, 46), 9. Zabihullo O‘rinboyev, 11. Damir Temirov, 14. Abrorbek Toshqo‘ziyev, 17. Vladislau Kasminin, 19. Ergash Ismoilov, 21. Abdujalil Manazarov (7. Husniddin G‘ofurov, 46), 22. Shahzodbek G‘ofurbekov, 97. Muhammadali Aliqulov.

Ogohlantirishlar: Behruz Shaydulov (60), Abrorbek To‘shqo‘ziyev (72), Husniddin G‘ofurov (90), Artyom Potapov (90+4). 

Chetlatishlar: Ergash Ismoilov (12), Komron Saydazimov (26).