Issiq iqlim sharoitida quyoshning zararli nurlaridan aziyat chekmaslik uchun ochiq havoda xavfsiz bo‘lishning oddiy qoidalariga e’tibor qarating. Bu sog‘lig‘ingiz uchun nihoyatda muhimdir. Chunki quyoshning ultrabinafsha nurlari turli kasalliklarga, hatto saratonga sabab bo‘lishi mumkin.
SPF kremlar
Quyoshdan himoya qiluvchi kremni tejash, minimal darajaga erishish (ayniqsa, mahsulot qimmat bo‘lsa) — katta xato. Biroq uning ortiqcha bo‘lishi ham xavfsizlikni kafolatlamaydi. Yuzni ishonchli himoya qilish uchun sizga juda aniq miqdordagi massa kerak. Buning yo‘li oddiy — tanga o‘lchamidagi krem massasi yuz terisi uchun yetarli. Uni quyoshga chiqishdan 20 daqiqa oldin qo‘llang, shunda uning tarkibidagi kimyoviy filtr o‘z ishini boshlash uchun vaqt topadi va terini himoya qiladi.
Mos harflarni qidiring
Maxsus vositalarning qadog‘idagi belgilarini o‘zingiz uchun bilib oling. Har qanday holatda UVB va UVA nurlaridan himoya qilishi ko‘rsatilgan keng spektrli quyosh kremini tanlang (tegishli qisqartmalar qadoqda ko‘rsatilishi kerak). Har mavsum bizni yangi kosmetik yangiliklar bilan xursand qiladi. Misol uchun, bir necha yil oldin nam teriga to‘g‘ridan to‘g‘ri qo‘llanishi mumkin bo‘lgan yangi mahsulotlar paydo bo‘ldi va bu yozda mat effektli ko‘plab yangi mahsulotlar taqdim etildi.
Doimo o‘zingizni himoya qiling
Yozda bulutli kunlar SPF qo‘llamay yurish uchun sabab emas. Bundan tashqari, aynan shunday ob-havoda A spektrining nurlari ayniqsa xavfli bo‘lib, jiddiy kasalliklarni keltirib chiqaradi va terining qarishiga yordam beradi.
Shifokor bilan maslahatlashing
Yuqori qon bosimiga qarshi dori-darmonlar, gormonal kontratseptiv tabletkalar va antibiotiklar organizm to‘qimalarining quyoshga sezgirligini oshiradi va quyoshdan kuyish xavfini oshiradi. Agar issiq o‘lkalarga sayohat qilsangiz, lekin hali ham dori-darmonlarni qabul qilayogan bo‘lsangiz, iloji boricha yuqori SPF (kamida 30) bo‘lgan mahsulotlarni tanlaganingizga ishonch hosil qiling.
Teringizni tinchlantiring
Ba’zan quyoshda yurganimizda yuz qizil dog‘lar bilan qoplanadi. Bu kuyish emas, balki mikro-yallig‘lanish — ultrabinafsha nurlarga o‘ziga xos reaksiya bo‘lib uni yo‘q qilish juda oson. Primrose yog‘li kapsulani olib, uni teshish va tarkibini kechki payt toza teriga surtish kifoya. Teri hujayralarini tiklaydigan va qizarishni kamaytiradigan muhim gamma-linolenik kislotaning yuqori miqdori tufayli ertalab bezovta qiluvchi muammolardan asar qolmaydi.
Tanani o‘z vaqtida sovitib oling
Agar o‘zingizni kuyib ketayotgandek his qilsangiz, salqin ichimliklar haqida o‘ylab ko‘ring: muzdek diyet kola yaxshi sovitish omili bo‘lishi mumkin. Keling, sog‘lom turmush tarzi tarafdorlariga bir usulni o‘rgataylik: kolani ichish shart emas. Bo‘yinning orqa tomoniga muzday ichimlikni qo‘yish va u qizib ketguncha kutish kifoya. Bo‘yin qon oqimi o‘tadigan joy bo‘lib, birinchi navbatda shu sohada haroratni pasaytirish muhimdir.
Termal suvdan foydalaning
Termal suvni nafaqat yuz, butun tana bo‘ylab quying U quyidagicha ishlaydi: suyuqlikning bir qismi bir zumda so‘riladi va namlangan hududdagi qonning haroratini pasaytiradi.
Sochni himoya qiling
Tuz va oqartirgich aralashmasi sochni somonga o‘xshatib qo‘yadi. Zararni niqoblash uchun soch uchun maxsus mumsimon vositani oling va tolalarning uchiga qo‘llang. Bu dam olish vaqtida vaziyatni yumshatadi. “Issiq ta’til” dan so‘ng soch uchun jiddiy restavratsiya kursini qabul qiling — hozir go‘zallik salonlarda har qanday budjetga mos keladigan davolash dasturlarini topa olasiz.
Himoya spreyidan foydalaning
Suzish havzalariga, plyajga cho‘milish uchun borganingizda, sochingizga ultrabinafsha filtrli sprey seping: shunda ular shimgich kabi tuz va xlorli suvni o‘zlashtirmaydi. Mehmonxonaga yoki kvartiraga qaytganingizdan so‘ng, sochlaringizni yaxshilab yuvib tashlang va unga kosmetik moy surting — bu ularning tabiiyligini tiklaydi.
Izoh (0)