Иссиқ иқлим шароитида қуёшнинг зарарли нурларидан азият чекмаслик учун очиқ ҳавода хавфсиз бўлишнинг оддий қоидаларига эътибор қаратинг. Бу соғлиғингиз учун ниҳоятда муҳимдир. Чунки қуёшнинг ултрабинафша нурлари турли касалликларга, ҳатто саратонга сабаб бўлиши мумкин.
SPF кремлар
Қуёшдан ҳимоя қилувчи кремни тежаш, минимал даражага эришиш (айниқса, маҳсулот қиммат бўлса) — катта хато. Бироқ унинг ортиқча бўлиши ҳам хавфсизликни кафолатламайди. Юзни ишончли ҳимоя қилиш учун сизга жуда аниқ миқдордаги масса керак. Бунинг йўли оддий — танга ўлчамидаги крем массаси юз териси учун етарли. Уни қуёшга чиқишдан 20 дақиқа олдин қўлланг, шунда унинг таркибидаги кимёвий филтр ўз ишини бошлаш учун вақт топади ва терини ҳимоя қилади.
Мос ҳарфларни қидиринг
Maxсус воситаларнинг қадоғидаги белгиларини ўзингиз учун билиб олинг. Ҳар қандай ҳолатда UVB ва UVA нурларидан ҳимоя қилиши кўрсатилган кенг спектрли қуёш кремини танланг (тегишли қисқартмалар қадоқда кўрсатилиши керак). Ҳар мавсум бизни янги косметик янгиликлар билан хурсанд қилади. Мисол учун, бир неча йил олдин нам терига тўғридан тўғри қўлланиши мумкин бўлган янги маҳсулотлар пайдо бўлди ва бу ёзда мат эффектли кўплаб янги маҳсулотлар тақдим этилди.
Доимо ўзингизни ҳимоя қилинг
Ёзда булутли кунлар SPF қўлламай юриш учун сабаб эмас. Бундан ташқари, айнан шундай об-ҳавода А спектрининг нурлари айниқса хавфли бўлиб, жиддий касалликларни келтириб чиқаради ва терининг қаришига ёрдам беради.
Шифокор билан маслаҳатлашинг
Юқори қон босимига қарши дори-дармонлар, гормонал контрацептив таблеткалар ва антибиотиклар организм тўқималарининг қуёшга сезгирлигини оширади ва қуёшдан куйиш хавфини оширади. Агар иссиқ ўлкаларга саёҳат қилсангиз, лекин ҳали ҳам дори-дармонларни қабул қилаёган бўлсангиз, иложи борича юқори SPF (камида 30) бўлган маҳсулотларни танлаганингизга ишонч ҳосил қилинг.
Терингизни тинчлантиринг
Баъзан қуёшда юрганимизда юз қизил доғлар билан қопланади. Бу куйиш эмас, балки микро-яллиғланиш — ултрабинафша нурларга ўзига хос реакция бўлиб уни йўқ қилиш жуда осон. Primrosе ёғли капсулани олиб, уни тешиш ва таркибини кечки пайт тоза терига суртиш кифоя. Тери ҳужайраларини тиклайдиган ва қизаришни камайтирадиган муҳим гамма-линоленик кислотанинг юқори миқдори туфайли эрталаб безовта қилувчи муаммолардан асар қолмайди.
Танани ўз вақтида совитиб олинг
Агар ўзингизни куйиб кетаётгандек ҳис қилсангиз, салқин ичимликлар ҳақида ўйлаб кўринг: муздек диет кола яхши совитиш омили бўлиши мумкин. Келинг, соғлом турмуш тарзи тарафдорларига бир усулни ўргатайлик: колани ичиш шарт эмас. Бўйиннинг орқа томонига муздай ичимликни қўйиш ва у қизиб кетгунча кутиш кифоя. Бўйин қон оқими ўтадиган жой бўлиб, биринчи навбатда шу соҳада ҳароратни пасайтириш муҳимдир.
Термал сувдан фойдаланинг
Термал сувни нафақат юз, бутун тана бўйлаб қуйинг У қуйидагича ишлайди: суюқликнинг бир қисми бир зумда сўрилади ва намланган ҳудуддаги қоннинг ҳароратини пасайтиради.
Сочни ҳимоя қилинг
Туз ва оқартиргич аралашмаси сочни сомонга ўхшатиб қўяди. Зарарни ниқоблаш учун соч учун махсус мумсимон воситани олинг ва толаларнинг учига қўлланг. Бу дам олиш вақтида вазиятни юмшатади. “Иссиқ таътил” дан сўнг соч учун жиддий реставрация курсини қабул қилинг — ҳозир гўзаллик салонларда ҳар қандай бюджетга мос келадиган даволаш дастурларини топа оласиз.
Ҳимоя спрейидан фойдаланинг
Сузиш ҳавзаларига, пляжга чўмилиш учун борганингизда, сочингизга ултрабинафша филтрли спрей сепинг: шунда улар шимгич каби туз ва хлорли сувни ўзлаштирмайди. Меҳмонхонага ёки квартирага қайтганингиздан сўнг, сочларингизни яхшилаб ювиб ташланг ва унга косметик мой суртинг — бу уларнинг табиийлигини тиклайди.
Изоҳ (0)