Plastik butilkalarning deyarli hammasi chiqindiga tashlanadi. Ulardan bir-biridan foydali buyumlar yasash mumkin. Qalamlar, dori-darmon qutisi va hatto, tozalash vositalari uchun savat — sizga keraksiz idishlardan qanday qilib klassik va foydali narsalarni yasashni o‘rgatamiz, deb yozadi “Noviy ochag” nashri.
Kokteyl uchun muz
Bir dona plastik idishga toza ichimlik suv solib, muzlatib qo‘ying. Muzni sindirish uchun shishani stolga bir necha marta qattiq uring. Plastmassani kesib oling va muz bo‘laklarini chuqur idishga soling. Ushbu layfxak bir vaqtning o‘zida kokteyllarga katta miqdorda muz kerak bo‘lgan hollarda foydalidir.
Tozalash vositalari uchun savat
Besh litrli plastik shishadan tozalash uchun qulay portativ organizator yasay olasiz. Idishning ortiqcha qismlarini kesib oling. Plastmassaning qirralarini sham yoki zajigalka olovi bilan yoqing, bu qirralarni tekislab chiqishga yordam beradi. Savatga tozalashga mo‘ljallangan turli kimyoviy moddalar va tozalash aksessuarlarini qo‘ying — salfetkalar, gubkalar, cho‘tkalar. Uni xonadan xonaga olib borish juda qulay bo‘lib, sizga kerak bo‘lgan hamma narsa doimo qo‘lingizda bo‘ladi.
Dori qutisi
Ikkita plastik butilkaning bo‘ynini qopqog‘i bilan kesib oling. Plastmassani qaychi bilan tekislang va yopishtiruvchi asbob (pistolet) yordamida ikkita qismni birlashtiring. Olingan dizayndan tablektalarni saqlash uchun foydalaning. Bunday tabletka qutisini o‘zingiz bilan olib yurish qulay — u hatto, eng kichkina sumkachaga ham mos keladi.
Qalamdon
0,33 litr hajmdagi kichik plastik idishdan qalam va ruchkalar uchun chinakam qalam qutisini yasashingiz mumkin. Plastmassani aeorozolli bo‘yoq yordamida istalgan rangga bo‘yang. Bo‘yoq to‘liq qurigach, shishani yarmidan ikkiga bo‘ling.
Plastik diametriga mos zamokni idishning ikkita qismiga yopishtiruvchi asbob (pistolet) yordamida biriktiring. Qarabsizki ajoyib o‘quv quroli tayyor!
Cho‘tka qutisi
0,33 litrli idishni yarmidan bo‘ling. Plastmassani qaychi bilan tekislab oling va uni aerozolli bo‘yoq bilan bo‘yang. Endi uni did bilan bezatish ishlari qoldi xolos.
Oshxona voronkasi
Agar uyda bunday voronka bo‘lmasa, uni plastik idishdan yasash mumkin. Idishning yuqori konusini qaychi bilan kesib oling va suyuqliklarni quyish uchun undan foydalaning.
Xokandoz
Keraksiz besh litrli plastik butilka hovli uchun yaxshigina hokandoz vazifasini bajara oladi. Va budjetni tejash va atrof-muhitni muhofaza qilishga hissa qo‘shadi!
Ko‘chat uchun gul tuvaklar
Plastmassa butilkalaringizni tashlab yubormang, bahorga kelib sizda ko‘chatga gul tuvaklar yasash uchun yetarli materiallar bo‘ladi. Hammasi oddiy — butilkaning pastki qismini kesib oling va ortiqcha suv chiqib ketishi uchun bir nechta teshiklar qiling. Buni igna bilan qilish mumkin. Ko‘zni quvontirish uchun ularni xohishga ko‘ra bo‘yang.
Izoh (0)