Yerni kuchli magnit bo‘ronlari qoplaydi

Quyoshda eng kuchli chaqnashlardan biri sodir bo‘ldi va uning zarralari allaqachon ikki qitʼada muammoga sabab bo‘ldi. Bu haqda Space xabar berdi.

AQSHdagi Kosmik ob-havoni bashorat qilish markazi olimlarining so‘nggi maʼlumotlari quyosh dog‘i 16-may oqshomida M9.6 kuchli quyosh chaqnashiga sabab bo‘lganini tasdiqlaydi. Quyosh dog‘i Yerga qaramagan bo‘lsa-da, chaqnash taʼsiri sezildi, chunki hodisa Shimoliy Amerika, Markaziy Amerika va Janubiy Amerikaning baʼzi qismlarida o‘rtacha radio uzilishiga olib keldi.

Biroq bu sodir bo‘lgan oxirgi chaqnash emas. Olimlarning fikricha, Quyoshning aylanishi tufayli tez orada, yaʼni 20-may, keyin esa 22 yoki 23-mayda quyosh dog‘i Yer tomonga yo‘nalishi mumkin.

Mutaxassislar hozirda kuzatilayotgan (19-may) 4 ballik magnit bo‘roni intensivligi faqat 21-mayda kamayishi va 24-mayda yana kuzatilishini prognoz qilmoqda.

Magnit bo‘ronlari hatto o‘rta kuchga ega bo‘lsa ham, inson salomatligiga salbiy ta’sir ko‘rsatadi. 

Bunday kunlarda organizmga yordam berish uchun kuniga kamida 7-8 soat uxlash maslahat berilgan. Ratsiondan yog‘li va achchiq ovqatlarni olib tashlab, kuniga kamida 2 litr suv ichish tavsiya qilinadi. Qahva miqdorini kamaytirib, o‘simliklardan tayyorlangan choy iste’mol qilish kerak.

Shuningdek, kontrastli dush, ertalabki mashqlar, toza havoda yurish, yugurish magnit bo‘roni fonida salomatlikni yaxshilashga hissa qo‘shadi.