“Al-Qoida” bilan aloqador guruh avstraliyalik shifokor Ken Elliottni ozod qildi. U 2016-yilda Burkina-Fasoda o‘g‘irlab ketilgandi, deb xabar bermoqda “Zakon.kz”.
Ken Elliott rafiqasi Joslin bilan Burkina-Fasoda ekstremistlar tomonidan o‘g‘irlab ketilgan paytda 80 yoshda edi. Er-xotin mamlakatda 1972-yildan buyon yashab, shimoliy Jibo shahrida tibbiy klinika qurgandi.
“Al-Qoida”ga aloqador guruh bir necha haftadan so‘ng Joslin Elliottni ozod qilgan. Avstraliyaning o‘sha paytdagi bosh vaziri Malkolm Ternbull “vaziyat diplomatik jihatdan qiyin” ekanini aytgan.
2023-yil, 19-may kuni ertalab Avstraliya tashqi ishlar vaziri Penni Vong Ken Elliot xavfsiz ekanini, rafiqasi Joslin va bolalari bilan uchrashganini ma’lum qildi. Bayonotda Elliottning oilasiga omonlik izhor qilinib, hukumatga va “shifokorning ozod etilishida ishtirok etgan barchaga” minnatdorlik bildirilgan.
“88 yoshda va ko‘p yillar uydan uzoqda bo‘lgan doktor Elliotga endi dam olish va o‘zini tiklash uchun vaqt va yolg‘izlik kerak. Tushunganingiz va hamdardligingiz uchun tashakkur”.
2018-yilda Joslin turmush o‘rtog‘ining “umri kam qolgani”ni aytib, uni ozod qilishlarini so‘ragandi.
Avvalroq Avstraliya tashqi ishlar va savdo departamenti fuqarolarini “tartibsizliklar davom etayotgani, teraktlar, odam o‘g‘irlash va banditizm xavfi yuqoriligi” sababli fuqarolarni Burkina-Fasoga borishdan tiyilishga chaqirgan edi.
Izoh (0)