Toshkent shahar Mirobod va Yunusobod tumanlaridagi ayrim hududlarda gaz ta’minoti vaqtincha o‘chiriladi. Bu haqda “Hududgaz Poytaxt” matbuot xizmati xabar berdi.
Qayd etilishicha, Mirobod tumanining Oq-yo‘l ko‘chasi hududida joylashgan yer usti D-76 millimetr o‘rta bosim gaz quvurini xavfsiz joyga ko‘chirish ishlari 19-may kuni amalga oshirish rejalashtirilgan.
Ushbu ishlarni bajarishda soat 10:00 dan 17:00 ga qadar tabiiy gaz isteʼmolchilariga gaz taʼminoti vaqtinchalik to‘xtatiladi. Aholi isteʼmolchilari:
- “Baynalminal” MFY Miranshox va Oq-yo‘l ko‘chalarida jami 104 ta yerlik, 50 ta ko‘p qavatli xonadonlar.
Ulgurji isteʼmolchilari:
- “Baynalminal” MFY Miranshox va Oq-yo‘l ko‘chalarida jami 3 ulgurji isteʼmolchilar.
Yunusobod tumanida gaz to‘xtatiladigan manzillar:
- “Gulzor” va “Ibroxim ota” MFYlardagi jami 300 ta yerlik xonadon, 360 ta ko‘p qavatli xonadonlar.
Ulgurji isteʼmolchilari:
- “Gulzor” va “Ibrohim ota” MFYlardagi jami 25 ulgurji isteʼmolchilar.
Bundan oldin Toshkentning ikki tumanida ta’mirlash ishlari sabab gaz ta’minoti vaqtincha to‘xtatilgandi. Aprel oyida esa Sergeli, Yangihayot va Chilonzor tumanlarining ayrim mahallalarida tabiiy gaz taʼminoti vaqtinchalik o‘chirilgan.
Izoh (0)