Taʼmirlash ishlari sababli 4-aprel kuni Sergeli, Yangihayot va Chilonzor tumanlarining ayrim mahallalarida tabiiy gaz taʼminoti vaqtinchalik to‘xtatiladi. Bu haqda “Hududgaz Poytaxt” gaz taʼminoti filiali matbuot xizmati xabar berdi.
Xabarga ko‘ra, “Hududgaztaʼminot” AJning 131-sonli buyrug‘iga asosan yirik hududga ajratish maqsadida Yangihayot tumani, “Yangi Choshtepa” MFY hududidan o‘tgan yer osti d-1020 mmli yuqori bosim gaz quvuriga gaz hisoblagich o‘rnatish ishlari amalga oshirish rejalashtirilgan. Shu tufayli joriy yilning 4-aprel kuni soat 08:00 dan 2023-yil 5-aprel kuni 08:00 ga qadar quyidagi tabiiy gaz isteʼmolchilarida gaz taʼminoti vaqtinchalik to‘xtatiladi. Shundan Sergeli tumani aholi isteʼmolchilari:
- “Sohibqiron”, “Saxovat”, “Yangi Sergeli”, “Qipchoq”, “Ezgulik”, “Nurhayot”, “Madadkor”, “Ittifoq”, “Ziynat”, “Nilufar”, “Mehrigiyo”, “O‘zgarish”, “Habibiy”, “Bunyodobod”, “Yangi Bunyodobod” MFYlarida joylashgan ko‘p qavatli uylardagi jami 21 566 ta aholi xonadonlarida hamda “Jo‘nariq”, “No‘g‘ayqo‘rg‘on”, Yuqori Darxon“, “Qubaytepa”, “Qutbaraka”, “So‘g‘diyona”, “Sofdil”, “Daryo bo‘yi” MFYlaridagi jami 7 634 ta uy xo‘jaliklarida.
Sergeli tumani ulgurji isteʼmolchilari:
- sanoat korxonalari 85 ta;
- maktablar 11 ta;
- MTM 4 ta;
- umumiy ovqatlanish obyektlari 41 ta;
- novvoyxonalar 68 ta;
- kommunal–maishiy korxonalar 184 ta, jami 393 ta ulgurji isteʼmolchilarda.
Yangihayot tumani aholi va ulgurji isteʼmolchilari:
- “Fayzli”, “Choshtepa”, “Yangi Choshtepa”, “Yangi Darxon”, Tashabbus“, ”Yangi umid“, ”Yangi turmush“, ”Humo“, ”Yangi hayot“, ”Oriyat“, ”Gulshanobod“, ”Marhamat“, ”Ibrat“, ”Olchazor“, ”Xushnud“, ”Navqiron“, “Yorqin hayot”, “Charog‘on”, “Chorbog‘”, “Viqor”, “Al - Farg‘oniy”, “Do‘stlik”, “Iqbol”, “Yo‘ldosh”, “Toshkent”, “Chortoq” MFYlardagi jami 5251 ta uy xo‘jaligida hamda ko‘p qavatli uylardagi jami 29 835 ta aholi xonadonida va 316 ta ulgurji isteʼmolchilarida.
Chilonzor tumani aholi va ulgurji isteʼmolchilari:
- “Beshqo‘rg‘on”, “Tirsakobod”, “Xayriobod”, “Xon to‘pi”, “Bek to‘pi”, “2-Qatortol”, “Mevazor”, “Yakkabog‘” MFYlardagi jami 6 000 ta uy xo‘jaliklarida hamda 47 ta ulgurji isteʼmolchilarida.
Taʼmirlash ishlari yakunlangach, tabiiy gaz taʼminoti qayta tiklanadi. Yetkazilayotgan noqulayliklar uchun “Hududgaz Poytaxt” gaz taʼminoti filiali isteʼmolchilardan uzr so‘ragan.
Izoh (0)