Sian shahridagi Tan sulolasi bog‘ida “Markaziy Osiyo—Xitoy” birinchi sammitida ishtirok etayotgan davlat rahbarlarini rasman kutib olish marosimi bo‘lib o‘tdi. Bu haqda Prezident matbuot xizmati xabar berdi.
O‘zbekiston prezidenti 2022-yil yanvarda o‘tkazilgan videoanjumanda kelgusi yilni Markaziy Osiyo va Xitoy xalqlari madaniyati va san’ati yili deb e’lon qilishni, unda asosiy e’tiborni akademik va talabalar almashinuvi dasturlariga, yoshlar forumlari va sport musobaqalarini o‘tkazishga qaratishni taklif qilgandi. Kuni kecha esa Sianda “Markaziy Osiyo va Xitoy xalqlari madaniyati va san‘ati yili”ga start berildi.
Marosimda Qozog‘iston prezidenti Qosim-Jo‘mart To‘qayev, Qirg‘iziston prezidenti Sadir Japarov va rafiqasi, Tojikiston prezidenti Emomali Rahmon va Turkmaniston prezidenti Serdar Berdimuhamedov ham ishtirok etdi. Birgalikda suratga tushildi.
Oliy martabali mehmonlarga saroy oldidagi maydonda Xitoyning boy tarixi va madaniyatini o‘zida aks ettirgan yorqin sahnalashtirilgan chiqishlar va konsert dasturi namoyish etildi.
Izoh (0)