Тошкент шаҳар Миробод ва Юнусобод туманларидаги айрим ҳудудларда газ таъминоти вақтинча ўчирилади. Бу ҳақда “Ҳудудгаз Пойтахт” матбуот хизмати хабар берди.
Қайд этилишича, Миробод туманининг Оқ-йўл кўчаси ҳудудида жойлашган ер усти Д-76 миллиметр ўрта босим газ қувурини хавфсиз жойга кўчириш ишлари 19 май куни амалга ошириш режалаштирилган.
Ушбу ишларни бажаришда соат 10:00 дан 17:00 га қадар табиий газ истеъмолчиларига газ таъминоти вақтинчалик тўхтатилади. Аҳоли истеъмолчилари:
- “Байналминал” МФЙ Мираншох ва Оқ-йўл кўчаларида жами 104 та ерлик, 50 та кўп қаватли хонадонлар.
Улгуржи истеъмолчилари:
- “Байналминал” МФЙ Мираншох ва Оқ-йўл кўчаларида жами 3 улгуржи истеъмолчилар.
Юнусобод туманида газ тўхтатиладиган манзиллар:
- “Гулзор” ва “Иброхим ота” МФЙлардаги жами 300 та ерлик хонадон, 360 та кўп қаватли хонадонлар.
Улгуржи истеъмолчилари:
- “Гулзор” ва “Иброҳим ота” МФЙлардаги жами 25 улгуржи истеъмолчилар.
Бундан олдин Тошкентнинг икки туманида таъмирлаш ишлари сабаб газ таъминоти вақтинча тўхтатилганди. Апрель ойида эса Сергели, Янгиҳаёт ва Чилонзор туманларининг айрим маҳаллаларида табиий газ таъминоти вақтинчалик ўчирилган.
Изоҳ (0)