Toshkentning ikki tumanida 6-may kuni ta’mirlash ishlari sabab gaz ta’minoti vaqtincha to‘xtatiladi. Bu haqda “Hududgaz poytaxt” matbuot xizmati xabar berdi.
Xususan, Sergeli tumani “No‘g‘ayqo‘rg‘on” MFY, Mohidil ko‘chasidagi yer usti d-108 millimetrli o‘rta bosim gaz quvurini tartibga keltirish ishlari “Sergelitumangaz” gaz taʼminoti bo‘limi tomonidan amalga oshirish rejalashtirilgan.
Shu tufayli soat 11:00 dan 18:00 ga qadar quyidagi tabiiy gaz isteʼmolchilarida gaz taʼminoti vaqtincha to‘xtatiladi.
Shundan aholi va ulgurji isteʼmolchilari:
- “No‘g‘ayqo‘rg‘on” MFY hududidagi jami 535 ta uy xo‘jaliklarida hamda 12 ta ulgurji isteʼmolchilarida.
Shuningdek, Yangihayot tumanida “Al-Farg‘oniy” MFY hududida joylashgan Avtopilot EGHUsiga shayba o‘rnatish ishlari “Yangihayottumangaz” gaz taʼminoti bo‘limi tomonidan amalga oshirish rejalashtirilgan.
Shundan aholi va ulgurji isteʼmolchilari:
- “Al-Farg‘oniy”, “Toshkent”, “Fayzli”, “Chortoq” MFYlaridagi jami 2 487 ta uy xo‘jaliklarida va hududdagi ko‘p qavatli uylarda istiqomat qiluvchi 1 189 ta aholi xonadonlarida hamda 86 ta ulgurji isteʼmolchilarida.
Taʼmirlash ishlari yakunlangach, tabiiy gaz taʼminoti qayta tiklanadi. Yetkazilayotgan noqulayliklar uchun “Hududgaz Poytaxt” gaz taʼminoti filiali isteʼmolchilardan uzr so‘raydi.
Izoh (0)