Сиань шаҳридаги Тан сулоласи боғида “Марказий Осиё—Хитой” биринчи саммитида иштирок этаётган давлат раҳбарларини расман кутиб олиш маросими бўлиб ўтди. Бу ҳақда Президент матбуот хизмати хабар берди.
Ўзбекистон президенти 2022 йил январда ўтказилган видеоанжуманда келгуси йилни Марказий Осиё ва Хитой халқлари маданияти ва санъати йили деб эълон қилишни, унда асосий эътиборни академик ва талабалар алмашинуви дастурларига, ёшлар форумлари ва спорт мусобақаларини ўтказишга қаратишни таклиф қилганди. Куни кеча эса Сианда “Марказий Осиё ва Хитой халқлари маданияти ва санъати йили”га старт берилди.
Маросимда Қозоғистон президенти Қосим-Жўмарт Тўқаев, Қирғизистон президенти Садир Жапаров ва рафиқаси, Тожикистон президенти Эмомали Раҳмон ва Туркманистон президенти Сердар Бердимуҳамедов ҳам иштирок этди. Биргаликда суратга тушилди.
Олий мартабали меҳмонларга сарой олдидаги майдонда Хитойнинг бой тарихи ва маданиятини ўзида акс эттирган ёрқин саҳналаштирилган чиқишлар ва концерт дастури намойиш этилди.
Изоҳ (0)