Gollivud aktyori Jonni Deppning shaxsiy hayoti va karyerasi yaxshilanmoqda. U “Janna Dyubarri” tarixiy filmi bilan ochilgan 76-Kann kinofestivalining qizil gilamida ko‘rinish berdi. Aktyor dramada mashhur fransuz qiroli Lui XV rolini ijro etgan. Bu Deppning Ember Xyord bilan shov-shuvli ajrashishdan keyin suratga tushgan birinchi kinokartinasi hisoblanadi.
.jpg)
Ommaviy axborot vositalarining yozishicha, tadbir mehmonlari aktyorni yaxshi kutib olgan. U film namoyishidan so‘ng tomoshabinlarning yetti daqiqalik olqishiga sazovor bo‘lgan. Bu vaqt davomida Jonni tomoshabinlarga minnatdorchilik bildirgan va ko‘zyoshlarini arang ushlab turgan.
Ushbu loyiha ijtimoiy qatlamga ko‘tarilish uchun aql va chiroyidan foydalanadigan yosh ishchi ayol Janna Vobernyening hayoti haqida hikoya qiladi. U qirol Lui XV bilan uchrashadi va uning sevimli hamrohiga aylanadi, asta-sekin Fransiyadagi eng nufuzli ayollardan biri va qirolning suyuklisi maqomini oladi. Biroq bu hammaga ham yoqmaydi.
Ember Xyord Jonnini zo‘ravonlikda ayblagandan keyin aktyor ko‘plab reklama shartnomalarini yo‘qotdi. Biroq, Dior aktyor bilan shartnomalarni bekor qilmagan yagona brend edi. Shuningdek, aktyor “Karib dengizi qaroqchilari” filmining yangi qismida suratga tushishdan ham chetlatilgan. Biroq sudda g‘alaba qozonganidan so‘ng, franshiza yaratuvchilari o‘z fikrini o‘zgartirdi.
Izoh (0)