Голливуд актёри Жонни Деппнинг шахсий ҳаёти ва карьераси яхшиланмоқда. У “Жанна Дюбарри” тарихий фильми билан очилган 76-Канн кинофестивалининг қизил гиламида кўриниш берди. Актёр драмада машҳур француз қироли Луи XV ролини ижро этган. Бу Деппнинг Эмбер Хёрд билан шов-шувли ажрашишдан кейин суратга тушган биринчи кинокартинаси ҳисобланади.
.jpg)
Оммавий ахборот воситаларининг ёзишича, тадбир меҳмонлари актёрни яхши кутиб олган. У фильм намойишидан сўнг томошабинларнинг етти дақиқалик олқишига сазовор бўлган. Бу вақт давомида Жонни томошабинларга миннатдорчилик билдирган ва кўз ёшларини аранг ушлаб турган.
Ушбу лойиҳа ижтимоий қатламга кўтарилиш учун ақл ва чиройидан фойдаланадиган ёш ишчи аёл Жанна Воберненинг ҳаёти ҳақида ҳикоя қилади. У қирол Луи XV билан учрашади ва унинг севимли ҳамроҳига айланади, аста-секин Франциядаги энг нуфузли аёллардан бири ва қиролнинг суюклиси мақомини олади. Бироқ бу ҳаммага ҳам ёқмайди.
Эмбер Хёрд Жоннини зўравонликда айблагандан кейин актёр кўплаб реклама шартномаларини йўқотди. Бироқ, Dior актёр билан шартномаларни бекор қилмаган ягона бренд эди. Шунингдек, актёр “Кариб денгизи қароқчилари” фильмининг янги қисмида суратга тушишдан ҳам четлатилган. Бироқ судда ғалаба қозонганидан сўнг, франшиза яратувчилари ўз фикрини ўзгартирди.
Изоҳ (0)