Sasseks gertsogi va gertsoginyasi shahzoda Garri va Megan Markl Nyu-York shahrida paparatssining “deyarli halokatli ta’qibi”ga uchradi. Bu haqda BBC shahzodaning rasmiy vakiliga tayanib xabar berdi.
Hodisa 16-may kuni, Sasseks gertsogi va gertsoginyasi Meganning onasi Doriya Regland bilan Ms. Foundation for Women fondining taqdirlash marosimidan qaytayotganida yuz berdi. Ushbu taqdimot marosimida shahzodaning rafiqasi ayollar huquqlarini ta‘minlashga qo‘shgan hissasi uchun taqdirlandi.
Ularning mashinasini ikki soatdan ko‘proq vaqt mobaynida oynalari qoraytirilgan oltita avtomobil ta’qib qilgan. Paparatssilar yo‘lda o‘ta qo‘pol harakatlangan. Ular yo‘laklarga chiqib ketgan, bir tomonlama harakatga ruxsat etilgan ko‘chada orqaga yurib harakatlangan hamda svetaforning qizil chirog‘iga e’tibor bermagan. Shuningdek, yo‘llarda avtomobillar haydovchilari ularni suratga olgan.
Haydovchilarning ushbu harakatlari boshqa avtomobillar, piyodalar va hatto ikki politsiyachi bilan to‘qnashuvga sabab bo‘lishi mumkin edi.
“Mashhur shaxs statusi jamoatchilik tomonidan qiziqish uyg‘otishini tushunamiz, biroq bu qiziqish kimningdir xafsizligiga tahdid solmasligi kerak”, — deydi shahzodaning vakili.
Izoh (0)