Сассекс герцоги ва герцогиняси шаҳзода Гарри ва Меган Маркл Нью-Йорк шаҳрида папараццининг “деярли ҳалокатли таъқиби”га учради. Бу ҳақда BBC шаҳзоданинг расмий вакилига таяниб хабар берди. Ҳодиса 16 май куни, Сассекс герцоги ва герцогиняси Меганнинг онаси Дория Регланд билан Мs. Foundation for Women фондининг тақдирлаш маросимидан қайтаётганида юз берди. Ушбу тақдимот маросимида шаҳзоданинг рафиқаси аёллар ҳуқуқларини таъминлашга қўшган ҳиссаси учун тақдирланди. Ҳайдовчиларнинг ушбу ҳаракатлари бошқа автомобиллар, пиёдалар ва ҳатто икки полициячи билан тўқнашувга сабаб бўлиши мумкин эди. “Машҳур шахс статуси жамоатчилик томонидан қизиқиш уйғотишини тушунамиз, бироқ бу қизиқиш кимнингдир хафсизлигига таҳдид солмаслиги керак”, — дейди шаҳзоданинг вакили.
Уларнинг машинасини икки соатдан кўпроқ вақт мобайнида ойналари қорайтирилган олтита автомобиль таъқиб қилган. Папараццилар йўлда ўта қўпол ҳаракатланган. Улар йўлакларга чиқиб кетган, бир томонлама ҳаракатга рухсат этилган кўчада орқага юриб ҳаракатланган ҳамда светафорнинг қизил чироғига эътибор бермаган. Шунингдек, йўлларда автомобиллар ҳайдовчилари уларни суратга олган.
Мавзуга доир
×![Lightbox Image]()
Изоҳ (0)