Tashkilotning inklyuziv taraqqiyot markazi YTTB bilan Markaziy Osiyoda ayollar uchun raqamli imkoniyatlarni kengaytirish maqsadida o‘zaro anglashuv memorandumini imzoladi.
Mastercard O‘zbekistondagi birinchi rasmiy vakolatxonasi ochilishi haqida e’lon qildi. Bu haqda 2023-yil 16-mayda Samarqandda bo‘lib o‘tgan YTTB har yilgi konferensiyasi davomida xabar berildi.
“Rasmiy vakolatxonani ochish bizga joylardagi ehtiyojni yaxshiroq tushunish imkonini beradi va biz eng zamonaviy raqamli texnologik yechimlarni taklif etib, yanada g‘ayrat bilan ishlaymiz. Endilikda barchaning manfaati uchun yaqin yillarda raqamli iqtisodiyot taraqqiyoti bo‘yicha umumiy maqsadlarga erishish yo‘lida biz yanada faol va unumli ishlashimizga aminman”, — degan EEMEA (Sharqiy Yevropa, Yaqin Sharq, Afrika) mintaqasida Mastercard prezidenti Dimitrios Dosis.
Konferensiya doirasida Mastercard inklyuziv taraqqiyot markazi Yevropa tiklanish va taraqqiyot banki bilan Markaziy Osiyoda kelgusida hamkorlikni kengaytirish va kichik biznes egalari, ayniqsa, ayollar uchun raqamli imkoniyatlarni kengaytirish maqsadida o‘zaro anglashuv memorandumini imzoladi.
“Mastercard innovatsion raqamli to‘lov yechimlari yordamida O‘zbekistonda va Markaziy Osiyoda moliyaviy xizmatlardan foydalanish imkoniyatini kengaytirishga ko‘maklashishga intiladi. E’tiborimiz to‘lovlarning raqamli usullaridan foydalanish imkoniyatini kengaytirish hamda joylashuvi va moliyaviy holatidan qat’i nazar, barcha iste’molchilar uchun xavfsiz va ishonchli tranzaksiyalarni ta’minlashga qaratilgan. Biz mintaqaning yosh va texnik jihatdan ilg‘or aholisida ulkan salohiyatni ko‘ryapmiz hamda tadbirkorlik va innovatsiyalarni qo‘llab-quvvatlovchi hamkorlik va dasturlarga investitsiya kiritamiz”, — dedi EEMEA (Sharqiy Yevropa, Yaqin Sharq, Afrika) mintaqasida Mastercard prezidenti Dimitrios Dosis.
Ma’lumot o‘rnida, Mastercard to‘lovlar sohasidagi global texnologik kompaniya hisoblanadi. Kompaniya missiyasi tranzaksiyalarni xavfsiz, sodda, aqlli va hamyonbop qilish orqali hammaga, hamma joyda foyda keltiradigan inklyuziv raqamli iqtisodiyotni shakllantirish va kuchaytirish sanaladi.
Izoh (0)