Toshkent viloyati Yangiyo‘l tumanida 2022-yilning sentabr oyida erkak xotinidan o‘ch olish uchun bolalarini qiynoqqa solgani aniqlangandi. “Millar” dasturida fuqaroning intervyusi e’lon qilindi.
Qayd etilishicha, “Guliston” mahallasida yashovchi 30 yoshli A.N. (erkak) turmush o‘rtog‘i N.F.dan o‘ch olish maqsadida 2 yoshli farzandini muttasil ravishda turli qiynoqlarga solib, ushbu jarayonni uyali telefon apparatiga videoga olib, ijtimoiy tarmoqlarda tarqatgan.
“Oilaviy kelishmovchilik sababli spirtli modda iste’mol qilib, alamimni farzandimdan olgandim. Bu ish uchun o‘zbek xalqidan uzr so‘rayman, qonunda belgilangan jazoni o‘tashga tayyorman. Bu yerdan chiqqandan keyin oilam bilan tinch va baxtli hayot kechiraman”, — deb ta’kidlagan erkak.
Mazkur holat yuzasidan 13-may kuni A.N.ga nisbatan Jinoyat kodeksining 110-moddasi 2-qismi “a” bandi (qiynash) bilan jinoyat ishi qo‘zg‘atilgan. Gumonlanuvchi shaxs protsessual tartibda ushlangan. Hozirda jinoyat ishi yuzasidan dastlabki tergov harakatlari olib borilmoqda. Jinoyat ishi tergovi Bosh prokuratura tomonidan nazoratga olingan.
Izoh (0)