Toshkent viloyati Yangiyo‘l tumanida 2022-yilning sentabr oyida erkak xotinidan o‘ch olish uchun bolalarini qiynoqqa solgani aniqlandi. Bosh prokuratura holat yuzasidan munosabat bildirdi.
Qayd etilishicha, “Guliston” mahallasida yashovchi 30 yoshli A.N. (erkak) turmush o‘rtog‘i N.F.dan o‘ch olish maqsadida 2 yoshli farzandini muttasil ravishda turli qiynoqlarga solib, ushbu jarayonni uyali telefon apparatiga videoga olib ijtimoiy tarmoqlarga tarqatgan.
Mazkur holat yuzasidan 13-may kuni A.N.ga nisbatan Jinoyat kodeksining 110-moddasi 2-qismi “a” bandi (qiynash) bilan jinoyat ishi qo‘zg‘atilgan. Gumonlanuvchi shaxs protsessual tartibda ushlangan. Hozirda jinoyat ishi yuzasidan dastlabki tergov harakatlari olib borilmoqda. Jinoyat ishi tergovi Bosh prokuratura tomonidan nazoratga olingan.
Izoh (0)