Toshkent harbiy okrugining “Angren” dala o‘quv maydonida O‘zbekiston va Qozog‘iston Qurolli kuchlari bo‘linmalari hamkorligidagi “Qalqon-2023” maxsus-taktik o‘quvlarining tantanali ochilish marosimi bo‘lib o‘tdi.
Qayd etilishicha, mazkur hamkorlikdagi o‘quv mashg‘ulotlari o‘zbek-qozoq harbiy xizmatchilari uchun o‘zaro tajriba almashish, bilim va ko‘nikmalarni mustahkamlash, eng muhimi, o‘zaro hamjihatlik va do‘stlik aloqalarini mustahkamlashga xizmat qiladi.
Tadbirda Toshkent harbiy okrugi qo‘shinlari qo‘mondoni polkovnik Zokir Sayfudinov so‘zga chiqib, ikki davlat o‘rtasida o‘zaro harbiy sohada bunday yaqin hamkorlikning o‘rnatilishi Markaziy Osiyo mintaqasidagi xavfsizlik va barqarorlikni ta’minlashda muhim ahamiyat kasb etishi alohida ta’kidlab o‘tdi.
“Bugungi kunda dunyoning turli mintaqalarida notinchlik, keskinlik va qurolli to‘qnashuvlar o‘zaro muloqotlarda hal qiluvchi kuch sifatida namoyon bo‘layotgani va ularni mintaqamiz yaqinida yuz berayotgani o‘zaro harbiy sohadagi hamkorligimizni yanada kuchaytirishga undamoqda. Boshlanayotgan hamkorlikdagi maxsus-taktik o‘quv ham ikki mamlakatning harbiy sohadagi uzoq yillik tarixiy asoslarga ega do‘stona munosabatlarining yana bir timsolidir”, — deyiladi xabarda.
Izoh (1)
Узр, компания