Тошкент вилояти Янгийўл туманида 2022 йилнинг сентябрь ойида эркак хотинидан ўч олиш учун болаларини қийноққа солгани аниқланганди. “Миллар” дастурида фуқаронинг интервьюси эълон қилинди.
Қайд этилишича, “Гулистон” маҳалласида яшовчи 30 ёшли А.Н. (эркак) турмуш ўртоғи Н.Ф.дан ўч олиш мақсадида 2 ёшли фарзандини муттасил равишда турли қийноқларга солиб, ушбу жараённи уяли телефон аппаратига видеога олиб, ижтимоий тармоқларда тарқатган.
“Оилавий келишмовчилик сабабли спиртли модда истеъмол қилиб, аламимни фарзандимдан олгандим. Бу иш учун ўзбек халқидан узр сўрайман, қонунда белгиланган жазони ўташга тайёрман. Бу ердан чиққандан кейин оилам билан тинч ва бахтли ҳаёт кечираман”, — деб таъкидлаган эркак.
Мазкур ҳолат юзасидан 13 май куни А.Н.га нисбатан Жиноят кодексининг 110-моддаси 2-қисми “а” банди (қийнаш) билан жиноят иши қўзғатилган. Гумонланувчи шахс процессуал тартибда ушланган. Ҳозирда жиноят иши юзасидан дастлабки тергов ҳаракатлари олиб борилмоқда. Жиноят иши тергови Бош прокуратура томонидан назоратга олинган.
Изоҳ (0)