Футбол бўйича Испания Ла Лигасининг 34-туридан ўрин олган қатор учрашувлар 14 май, якшанба куни бўлиб ўтди.
“Барселона” сафарда “Эспаньол” меҳмони бўлди ва 4:2 ҳисобда зафар қучди. “Кўк-анорранглилар” сафида Роберт Левандовски дубль қайд этган бўлса, Алехандро Балде ва Жюл Кунде биттадан гол муаллифига айланди.
Ушбу ғалаба эвазига “Барселона” муддатидан аввал чемпионлик масаласини ҳал қилиб қўйди. Мавсум тугашига тўртта тур қолганда каталонлар энг яқин таъқибчиси “Реал”ни 14 очкога ортда қолдирмоқда.
“Атлетико” мазкур турда “Элче”га ютқазиб қўйди ва иккинчи ўринга кўтарилиб олиш имкониятини қўлдан чиқарди.
34-турдан кейин мусобақа жадвалидаги ҳолат:
Ла Лига
34-тур баҳслари
14 май, якшанба
“Эспаньол” – “Барселона” 2:4
Голлар: 0:1 – 11 Левандовски, 0:2 – 20 Балде, 0:3 – 40 Левандовски, 0:4 – 53 Кунде, 1:4 – 73 Пуадо, 2:4 – 90 Хоселу.
“Эспаньол”: Пачеко, Хил, Кабрера, Серджи Гомес (Пуадо, 46), Монтес, Оливан (Колиошо, 84), Денис Суарес (Калеро, 46), Дардер, Меламед (Экспосито, 87), Хоселу, Брейтуэйт (Педроса, 55).
“Барселона”: тер Штеген, Кунде, Кристенсен (Алонсо, 74), Араухо (Альба, 63), Балде, Бускетс, де Ёнг, Педри (Кессиэ, 89), Гави (Фати, 74), Рафинья (Дембеле, 62), Левандовски.
Огоҳлантиришлар: Кунде (2), Гави (39), Дардер (39), Альба (82).
“Элче” – “Атлетико” 1:0
Гол: 1:0 – 41 Фидел.
“Сельта” – “Валенсия” 1:2
Голлар: 0:1 – 8 Клюйверт, 1:1 – 60 Сеферович, 1:2 – 88 Мари.
“Вальядолид” – “Севилья” 0:3
Голлар: 0:1 – 50 Рафа Мир, 0:2 – 78 Гомес, 0:3 – 90 Корона.
Изоҳ (0)