“O‘zbekiston havo yo‘llari” aksiyadorlik jamiyati 6-apreldan 8-mayga qadar boshlang‘ich qiymati naq 200 milliard so‘m bo‘lgan tender o‘tkazdi. “Daryo” muxbiri hujjatlarni monitoring qilib, ushbu davlat xaridi bo‘yicha ma’lumot beradi.
![](/static/Abduqahhor/photo_2023-05-12_16-08-42.jpg)
Lot ma’lumotnomasiga ko‘ra, tender 2023-yil 15-iyundan 2024-yil 14-iyungacha bo‘lgan muddatda Uzbekistan Airways’ga tegishli samolyotlarni sug‘urtalash xizmati uchun o‘tkazilgan. Unda 4 ta korxona ishtirok etgan, yakunda Apex Insurance AJ 100 ball bilan g‘olib deb topilgan. Shartnoma summasi 197 milliard 669 million 501 ming so‘m etib belgilangan.
![](/static/Abduqahhor/photo_2023-05-12_16-07-34.jpg)
Texnik topshiriq ma’lumotlarida yozilishicha, sug‘urtalanishi kerak bo‘lgan samolyotlarning soni 38 ta. Ular orasida 19 ta Airbus,18 ta Boeing va 1 ta Pilatus samolyotlari bor.