“Ўзбекистон ҳаво йўллари” акциядорлик жамияти 6 апрелдан 8 майга қадар бошланғич қиймати нақ 200 миллиард сўм бўлган тендер ўтказди. “Дарё” мухбири ҳужжатларни мониторинг қилиб, ушбу давлат хариди бўйича маълумот беради.
Лот маълумотномасига кўра, тендер 2023 йил 15 июндан 2024 йил 14 июнгача бўлган муддатда Uzbekistan Airways’га тегишли самолётларни суғурталаш хизмати учун ўтказилган. Унда 4 та корхона иштирок этган, якунда Apex Insurance АЖ 100 балл билан ғолиб деб топилган. Шартнома суммаси 197 миллиард 669 миллион 501 минг сўм этиб белгиланган.
Техник топшириқ маълумотларида ёзилишича, суғурталаниши керак бўлган самолётларнинг сони 38 та. Улар орасида 19 та Airbus,18 та Boeing ва 1 та Pilatus самолётлари бор.
Изоҳ (0)