Toshkent shahri yo‘lovchilari uchun yana 59 ta Yutong elektrobuslari yo‘nalishlarga chiqarildi. Bu haqda “Toshshahartransxizmat” matbuot xizmati xabar berdi.
20-aprel kuni poytaxt yo‘lovchilari uchun Xitoydan keltirilgan 169 ta Yutong elektrobuslari harakatlanishni boshlagandi. 11-may kuni shunday avtobuslardan yana 59 tasi harakatlanishni boshladi.
“Toshshahartransxizmat” xabariga ko‘ra, shundan 40 donasi 8 (4 ta), 85 (10 ta), 45 (12 ta), 40 (14 ta) sonli avtobus yo‘nalishlariga chiqarildi.
Bundan tashqari, 13 T, 57, 67 va 96-yo‘nalishlariga 1 tadan, 51 va 53-yo‘nalishlariga 3 tadan, 100-yo‘nalishga 4 ta, 94-yo‘nalishga esa 5 ta shunday elektrobuslar qo‘shildi.
Poytaxtda yangilanayotgan avtobuslar
Prezidentning 2023-yil 16-fevraldagi “Jamoat transporti tizimini isloh qilish chora-tadbirlari to‘g‘risida”gi qaroriga asosan, Toshkent shahri jamoat transporti uchun Xitoyda ishlab chiqarilgan 1 000 ta avtobus xarid qilinishi belgilangan. Shundan 200 dona 18 metrli va 500 dona 12 metrli tabiiy gazda ishlaydigan avtobuslar hamda 300 dona 12 metrli elektrobuslardir.
Izoh (0)