Toshkentning Chilonzor tumanida harakatlanayotgan Damas yonib ketdi. Holat aks etgan video ijtimoiy tarmoqlarda tarqaldi.
FVV matbuot xizmatining ma’lum qilishicha, 11-may kuni soat 13:23 da Bunyodkor shox ko‘chasida harakatlanayotgan Damas’da yong‘in sodir bo‘lgan.
Shunga ko‘ra ikkita yong‘in-qutqaruv ekipaji soat 13:34 da voqea joyiga yetib borib, yong‘in soat 13:37 da o‘chirilgan.
Hodisa oqibatida tan jarohati olgan va halok bo‘lganlar yo‘q.
Yong‘in sababi va moddiy zarar miqdori aniqlanmoqda.
Izoh (0)