Qoraqalpog‘istonning Nukus shahrida uy yonidan olib qochilgan mashina yo‘l-transport hodisasiga uchragan holda topildi. Bu haqda IIV axborot xizmati xabar berdi.
Xabarga ko‘ra, 27-aprel kuni Nukus shahri E.Alako‘z ko‘chasida yashovchi 1991-yil tug‘ilgan T.B.ning mashinasi olib qochilgan. Uning uyi oldida turgan Lacettiʼni nomaʼlum shaxs haydab ketib, shu uyning yonida joylashgan gaz tarqatuv uskunasiga urgan va voqea joyiga tashlab ketgan.
Ushbu holat bo‘yicha olib borilgan tezkor tadbir davomida jinoyatni Nukus shahrida yashovchi, 1996-yil tug‘ilgan J.T. ismli shaxs qilgani aniqlandi. Hozirgi vaqtda tergov harakatlari olib borilmoqda.
Olib qochilgan mashinalar
Qoraqalpog‘istonning Nukus shahrida olib qochilgan Trailblazer ag‘darilgan holda topilgan edi. Shuningdek, Toshkent viloyatining Olmaliq shahrida o‘zganing Spark avtomobilini olib qochishda gumonlangan 6 nafar yigit qo‘lga olingan edi. Bundan tashqari Namangan viloyati Chortoq tumanida voyaga yetmagan shaxs avtomashinani olib qochib, yo‘l-transport hodisasiga uchragani xabar qilingan.
Izoh (0)