Barcha mashhur va badavlat yulduzlarni “shunchaki omadli” deb hisoblashadi. Mashhur bo‘lishidan oldin yashash joyi bo‘lmagan yulduzlar ham bor.
Jim Kerri
Millionlab tomoshabinlarning sevimlisi ham bir vaqtlar uysiz bo‘lgan. Ammo bu uning yoshlikdagi xatolari tufayli sodir bo‘lmagan — o‘sha paytda Jim Kerrining butun oilasi moliyaviy qiyinchiliklarni boshdan kechiradi. Bo‘lajak aktyor mashinada yashashga majbur bo‘lganida atigi 14 yoshda edi. Jimning otasi ishdan bo‘shatilgach, Jim zavodda ishlay boshlaydi.
Bir necha yil o‘tgach, Kerri kinosanoatga kirib kelgach, oilaning hayot yaxshilanadi. Aktyor bu davrdan umuman uyalmaydi.
“Ha, biz lo‘lilar kabi yashadik, lekin o‘sha oddiy quvnoq odamlar qurshovida baxtli edik”, — deydi Jim Kerri.
Jennifer Lopes
Bir vaqtning o‘zida bir nechta ijodiy sohalarda muvaffaqiyat qozongan Jennifer Lopes ham yoshligida uy-joy muammosiga duch kelgan. U bolaligidanoq raqsga qiziqqan. Lopes hatto shu sevimli mashg‘uloti tufayli maktabga bormay qo‘yadi. Natijada ota-onasi bilan janjallashib, uydan chiqib ketadi. Shundan so‘ng raqs studiyasida tunab yuradi. Yaxshiyamki, bu uzoq davom etmaydi.
Ko‘p o‘tmay, Jey Lo raqs o‘qituvchisi sifatida yarim kunlik ish topadi, keyinchalik esa filmdagi birinchi rolini o‘ynaydi.
“Raqs studiyasida divanda uxlardim. Men uysiz edim. Bir necha oy o‘tgach, Yevropadan ish topdim. Qaytganimdan keyin “In Living Color” komedik loyihasiga raqqosa bo‘lib ishga joylashdim va Los-Anjelesga ko‘chib o‘tdim — bularning barchasi bir yil ichida sodir bo‘ldi”, — deydi Lopes.
Silvestr Stallone
Hozirda dunyo uni aktyor, rejissor, ssenariynavis va prodyuser sifatida biladi. Umuman olganda, Silvestr Stallone kino sanoatini egallab oldi. Ammo u har doim ham muvaffaqiyatli bo‘lmagan. Bolaligida Silvestr tom ma’noda uysiz bola edi. Ota-onasi ko‘p ishlaganidan o‘g‘liga vaqt ajratisholmasdi. Stallone esa janjalkash bo‘lganidan doimo maktabdan haydalgan — u 12 tadan ortiq maktab o‘zgartirgan. Ammo uy-joy masalasi yanada qiyinroq edi. Bo‘lajak aktyor homiylik ostidagi oilalarda yashagan va ba’zida ko‘chalarda tunab qolgan.
Uning boshpanasiz yoshligi kino kadrlariga o‘xshaydi. Ammo Silvester hech narsadan afsuslanmaydi. Hozirda u boy va mashhur, mashaqqatli yo‘l, albatta, bunga arziydi.
Kris Pratt
Hatto Marvel yulduzlari ham har doim ham omadli bo‘lmagan. Bir paytlar Kris Prattni hech kim tanimasdi. Faoliyatining boshida aktyor uzoq vaqt davomid boshpanasi bo‘lmaydi. Doimiy ish va yashash joyi yo‘q — buning uchun kerak bo‘lgan pul ham yo‘q.
Avvaliga Kris do‘stlarining uylarida yashab yuradi, keyin esa do‘stlarining mashinasida tunab qolishga o‘tadi. Krisning hayoti har qanday odam uchun motivatsiya bo‘lishi mumkin. Agar ilgari u uysiz bo‘lgan bo‘lsa, endi u hamma narsani, undan ham ko‘prog‘ini sotib oladi.
Ed Shiran
Ginnesning rekordlar kitobiga ko‘ra eng taniqli musiqachilardan biri ham osonlik bilan mashhur bo‘lmagan. Ed Shiran bolaligida musiqaga mehr qo‘ygan, o‘sha paytdanoq kelajakda kim bo‘lishini bilgan. 17 yoshida u Londonga ko‘chib o‘tadi va shu yerda karyera qilishni orzu qiladi. Ammo yosh musiqachining begona shaharda yashash va uy-joy uchun mablag‘i yo‘q edi. Avvaliga Shiran ko‘chada, metroda va hatto Bukingem saroyida uxlagan. Ammo ijodkor uchun bunday muhit haqiqiy ilhom manbayi hisoblanadi. Ammo hozir u ko‘p millionlik muxlislari uchun kuylaydi.
“Men Bukingem saroyi yonida uxlardim — ikki yil boshpanasiz yashadim. Saroyning yonida isitish kanali bo‘lgan ark bor edi — men aynan o‘sha yerda yotardim. O‘sha yerda “Uysizlik” qo‘shig‘ini yozganman”, — deydi Ed.
Izoh (0)