Swarovski kompaniyasi Marvel superqahramonlaridan ilhomlanib yaratilgan zargarlik buyumlari kolleksiyasini taqdim etdi. Kolleksiyada Qora pantera, O‘rgimchak odam, Xalk qahramonlarining shisha va toshlardan yasalgan haykalchalari hamda oltin bilaguzuklar bor.
Aksariyat buyumlarni ba’zi komikslarga qaraganda arzonroq sotib olish mumkin. Ularning narxi 85 dollardan 250 dollargacha. Biroq kolleksiyada qimmatroq mahsulotlar ham bor. Masalan, Qora pantera taqinchog‘ini 950 dollarga, Xalkning ajoyib shisha haykalchasini esa 700 dollarga sotib olsa bo‘ladi.
Kolleksiyaning asosiy eksponatlari kapitan Marvel va O‘rgimchak odam qahramonining 10 000 va 23 000 dollarlik haykalchalari bo‘ldi. Balandligi 25,5 santimetr bo‘lgan superqahramonni sotib olish imkoni mavjud. O‘rgimchak odam haykalchasini yaratish biroz murakkabroq, 56 santimetrlik haykalcha faqat buyurtma asosida yaratiladi. Uni yasash uchun 233 soat va 32 000 ta kristall kerak bo‘ladi.
“Sten Li mohir hikoyachi edi. U dunyoga ajoyib darajada kuchli va hayajonga soluvchi super qahramonlarni berdi. Shu sababli biz uchun Marvel’ning ushbu sevimli superqahramonlarini o‘rganish va kristall toshlar orqali ularning individual holatlarini ifoda etish haqiqiy sharaf”, — deydi Swarovski ijodiy direktori Jovanna Engelbert.
Izoh (0)