Bollivud aktrisasi Sonam Kapur 1985-yilning 9-iyun sanasida Bombeyda tug‘ilgan. Uning otasi aktyor va prodyuser Anil Kapur, marhum prodyuser Surinder Kapurning o‘g‘li. Sonamning onasi sobiq model va dizayner. Uning Reya ismli singlisi va Xarshvardxan ismli ukasi bor.
Sonam Kapur oila a’zolarining mashhurligiga qaramay, hech qachon familiyasini ishlatmagan va erta moliyaviy mustaqil bo‘lgan. Aktrisa 15 yoshida Singapurga o‘qish maqsadida borgan. Ota-onasi unga biroz pul bergan, biroq bu pul hech narsa uchun yetarli emasdi, shuning uchun Sonam o‘zining birinchi ishini ofitsiant sifatida boshladi va shundan so‘ng ota-onasidan umuman pul olmadi.
Sonu bilan muloqot qilish imkoniga ega bo‘lgan ko‘p insonlar aktrisaning juda tarbiyali ekanini aytishadi. Aktrisa yoshligida sportni, regbi va basketbolni yaxshi ko‘rardi. U kathak, klassik musiqa va Lotin Amerikasi raqslarini o‘rgangan. U avval ayg‘oqchi, keyin raqqosa va o‘qituvchi bo‘lishni orzu qilgan.
Sonam Kapur qandli diabet va ortiqcha vazndan ham aziyat chekkan. “O‘smirligimda o‘zimni semiz va xunuk his qilardim. Sochlarim butun yuzimda o‘sib chiqqan. Men aktrisa bo‘lishga qaror qilganimda, o‘zimni o‘zgartirish uchun kop harakat qilishim kerak edi”, — deydi aktrisa.
Sonam kinodagi faoliyatini “So‘nggi umid” filmida rejissor yordamchisi Sanjay Lila Bxansali bilan boshladi. Dastlab, aktrisa ssenariy muallifi yoki rejissor sifatida karyerasi qurishni rejalashtirgan va Bhansalidan film suratga olish haqidagi ma’lumotlarni o‘rganish uchun suratga olish guruhiga qo‘shilishni so‘radi.
Biroq bu jarayonda Sanjay unga o‘zining navbatdagi “Sevgilim” loyihasida bosh rolni taklif qildi va Sonamga ozishni maslahat berdi.
O‘sha paytda uning vazni 88 kilogrammga yetgan. Kapur rejissorning ishonchini oqlagan holda ikki yil ichida 35 kilogramm vazn tashlab, bosh rolni egallagan.
“Kino yulduzi bo‘lish arafasida bo‘lishimga qaramay, bu rolni ijro etganimga ishonmadim. Men doimo orqasi ochiq bluzkada raqsga tushishimni so‘rashsa, hamma orqamdagi yog‘ dog‘larini ko‘radi, deb xavotirlanardim. Hech kim bunaqa ko‘rinishdagi aktrisaga chipta sotib olish uchun navbatda turmaydi”, — deydi aktrisa.
Biroq Sonam qo‘rquvini yengib, aktyorlik saboqlarini oldi. U Vohida Rehman va Nutan filmlarini ko‘zdan kechirdi, chunki ularning aktyorlik mahorati aktrisani hayratda qoldirdi. “Sevimli” filmi chiqqanida Sonam endigina 22 yoshga kirgan edi. O‘sha paytda aktrisaning Ranbir Kapur bilan ishqiy munosabatlari haqida mish-mishlar tarqalgan.
U aktyor bilan uzoq qarindosh edi. Oradan vaqt o‘tib Ranbir aktrisaning yuragini sindirib, Dipika Padukone bilan uchrasha boshladi.
Aktyor bilan munosabatlarining tugashi Sonamga “foydali” bo‘ldi. U “Sevimli” filmining muvaffaqiyatsizligidan so‘ng, yana bir nechta muvaffaqiyatsiz bo‘lgan loyihalarda suratga tushdi, biroq u doimo yangiliklarda qolishning ajoyib professional usulini topdi. Sonam Hindistonning eng yaxshi moda vakiliga aylandi.
Aktrisaning uslub jihati nafaqat mukammal, u tashqi ko‘rinishiga alohida e’tibor qaratadi. Ko‘plab brendlar aktrisa bilan ishlashni istadi. Paparatsilar uning suratlarini olishga shoshildi. Sonam xalqaro kinofestivallar va tadbirlarga taklif qilina boshladi. Avvalroq bunday mavqe aktrisa Ayshvariya Rayga tegishli bo‘lgan.
Sonamning moda olamidagi harakatlari uni bir necha yil davomida, ajoyib saundtrekka ega bo‘lgan kichik romantik komediya “Men sevgi hikoyalaridan nafratlanaman” loyihasida suratga tushgunicha saqlab qoldi. Keyinchalik aktrisa “Oysha” melodramasida suratga tushdi va ushbu filmda moda vakili rolini ijro etdi.
“Oshiq aqldan ozgan” romantik dramasi, “Yugur, Milka, yugur” biografik filmi, “Go‘zal ayol” romantik komediyasi va “Nerja” dramasi — uning karyerasidagi eng yaxshi loyihalar hisoblanadi. Oxirgi film uchun aktrisa “Maxsus eslatma” nominatsiyasida hind Milliy mukofotiga sazovor bo‘ldi.
Aktrisaning ko‘plab muxlislari Sonamning singlisi Reya uni haqiqiy yulduzga aylantirgani haqida gapiradi. Reya uning ishtirokida bir nechta yaxshi filmlarni suratga oldi va ko‘pincha aktrisaning stilisti sifatida harakat qildi. Opa-singillar o‘zlarining kiyim-kechak brendini ochdi.
Sonam Kapur 2018-yilning 8-mayida hindistonlik tadbirkor Anand Axujaga turmushga chiqdi va o‘tgan yilning avgust oyida o‘g‘li Vayuni dunyoga keltirdi. Shundan keyin aktrisa kinodagi faoliyatida biroz tanaffus e’lon qildi.
“Hozir hayotimda oilam va bolalarim hayotimda birinchi o‘rinda turadi, biroq hech qachon ishlashni butunlay to‘xtataman deb o‘ylamayman”, — deydi aktrisa.
Izoh (0)