Барча машҳур ва бадавлат юлдузларни “шунчаки омадли” деб ҳисоблашади. Машҳур бўлишидан олдин яшаш жойи бўлмаган юлдузлар ҳам бор.
Жим Керри
Миллионлаб томошабинларнинг севимлиси ҳам бир вақтлар уйсиз бўлган. Аммо бу унинг ёшликдаги хатолари туфайли содир бўлмаган — ўша пайтда Жим Керрининг бутун оиласи молиявий қийинчиликларни бошдан кечиради. Бўлажак актёр машинада яшашга мажбур бўлганида атиги 14 ёшда эди. Жимнинг отаси ишдан бўшатилгач, Жим заводда ишлай бошлайди.
Бир неча йил ўтгач, Керри киносаноатга кириб келгач, оиланинг ҳаёт яхшиланади. Актёр бу даврдан умуман уялмайди.
“Ҳа, биз лўлилар каби яшадик, лекин ўша оддий қувноқ одамлар қуршовида бахтли эдик”, — дейди Жим Керри.
Женнифер Лопес
Бир вақтнинг ўзида бир нечта ижодий соҳаларда муваффақият қозонган Женнифер Лопес ҳам ёшлигида уй-жой муаммосига дуч келган. У болалигиданоқ рақсга қизиққан. Лопес ҳатто шу севимли машғулоти туфайли мактабга бормай қўяди. Натижада ота-онаси билан жанжаллашиб, уйдан чиқиб кетади. Шундан сўнг рақс студиясида тунаб юради. Яхшиямки, бу узоқ давом этмайди.
Кўп ўтмай, Жей Ло рақс ўқитувчиси сифатида ярим кунлик иш топади, кейинчалик эса фильмдаги биринчи ролини ўйнайди.
“Рақс студиясида диванда ухлардим. Мен уйсиз эдим. Бир неча ой ўтгач, Европадан иш топдим. Қайтганимдан кейин In Living Color комедик лойиҳасига раққоса бўлиб ишга жойлашдим ва Лос-Анжелесга кўчиб ўтдим — буларнинг барчаси бир йил ичида содир бўлди”, — дейди Лопес.
Силвестр Сталлоне
Ҳозирда дунё уни актёр, режиссёр, сценарийнавис ва продюсер сифатида билади. Умуман олганда, Силвестр Сталлоне кино саноатини эгаллаб олди. Аммо у ҳар доим ҳам муваффақиятли бўлмаган. Болалигида Силвестр том маънода уйсиз бола эди. Ота-онаси кўп ишлаганидан ўғлига вақт ажратишолмасди. Сталлоне эса жанжалкаш бўлганидан доимо мактабдан ҳайдалган — у 12 тадан ортиқ мактаб ўзгартирган. Аммо уй-жой масаласи янада қийинроқ эди. Бўлажак актёр ҳомийлик остидаги оилаларда яшаган ва баъзида кўчаларда тунаб қолган.
Унинг бошпанасиз ёшлиги кино кадрларига ўхшайди. Аммо Силвестер ҳеч нарсадан афсусланмайди. Ҳозирда у бой ва машҳур, машаққатли йўл, албатта, бунга арзийди.
Крис Пратт
Ҳатто Marvel юлдузлари ҳам ҳар доим ҳам омадли бўлмаган. Бир пайтлар Крис Праттни ҳеч ким танимасди. Фаолиятининг бошида актёр узоқ вақт давомид бошпанаси бўлмайди. Доимий иш ва яшаш жойи йўқ — бунинг учун керак бўлган пул ҳам йўқ.
Аввалига Крис дўстларининг уйларида яшаб юради, кейин эса дўстларининг машинасида тунаб қолишга ўтади. Криснинг ҳаёти ҳар қандай одам учун мотивация бўлиши мумкин. Агар илгари у уйсиз бўлган бўлса, энди у ҳамма нарсани, ундан ҳам кўпроғини сотиб олади.
Эд Ширан
Гиннеснинг рекордлар китобига кўра энг таниқли мусиқачилардан бири ҳам осонлик билан машҳур бўлмаган. Эд Ширан болалигида мусиқага меҳр қўйган, ўша пайтданоқ келажакда ким бўлишини билган. 17 ёшида у Лондонга кўчиб ўтади ва шу ерда карьера қилишни орзу қилади. Аммо ёш мусиқачининг бегона шаҳарда яшаш ва уй-жой учун маблағи йўқ эди. Аввалига Ширан кўчада, метрода ва ҳатто Букингем саройида ухлаган. Аммо ижодкор учун бундай муҳит ҳақиқий илҳом манбайи ҳисобланади. Аммо ҳозир у кўп миллионлик мухлислари учун куйлайди.
“Мен Букингем саройи ёнида ухлардим — икки йил бошпанасиз яшадим. Саройнинг ёнида иситиш канали бўлган арк бор эди — мен айнан ўша ерда ётардим. Ўша ерда “Уйсизлик” қўшиғини ёзганман”, — дейди Эд.
Изоҳ (0)