O‘zbekiston Korrupsiyaga qarshi kurashish agentligi 2023-yilning aprel oyidagi faoliyati bo‘yicha ma’lumot berdi.
Unga ko‘ra, bir oy ichida 24 ta normativ-huquqiy hujjat loyihasi korrupsiyaga qarshi ekspertizadan o‘tkazilib, ularning 15 tasida 49 ta korrupsiyaviy omil aniqlandi.
Murojaatlar bilan ishlash yo‘nalishida jami 231 ta (shundan 6 tasi Call markaz orqali) murojaatdan:
- 189 tasi ko‘rib chiqilgan (42 tasi ko‘rib chiqilmoqda);
- 1 tasi ijobiy hal etilgan;
- 51 tasiga huquqiy maslahat va tushuntirishlar berilgan;
- 4 tasi ko‘rmasdan qoldirilgan;
- 4 tasi anonim deb topilgan;
- 129 tasi vazirlik va idoralarga yo‘naltirilgan.
Eng ko‘p murojaatlar kelib tushgan soha va yo‘nalishlar:
- taʼlim sohasi xodimlarining xatti-harakatlari va sohadagi qonunbuzilishi holatlari bo‘yicha 23 ta (10,0 foiz);
- sud qarorlaridan noroziliklar bo‘yicha 20 ta (8,7 foiz);
- davlat xaridlari va tender savdolari jarayonidagi qonunbuzilishi holatlari bo‘yicha 19 ta (8,2 foiz);
- prokuratura organlari qarorlaridan noroziliklar va prokuratura organlariga qilingan murojaatlar hal bo‘lmayotgani bo‘yicha 18 ta (7,8 foiz);
- ichki ishlar organlari xodimlarining xatti-harakatlari va qarorlaridan noroziliklar 16 ta (6,9 foiz);
- mahalliy hokimlik xodimlari va mansabdor shaxslarining noqonuniy xatti-harakatlari va qarorlaridan noroziliklar 15 ta (6,5 foiz), va boshqalar.
Davlat xaridlari va boshqa sohada o‘tkazilgan o‘rganishlar natijasi yuzasidan vazirlik idoralarga 12 ta (14,1 milliard so‘mlik) taqdimnoma, davlat moliyaviy nazorat inspeksiyasiga 8 ta (35 milliard so‘mlik) so‘rovnoma, huquqni muhofaza qiluvchi organlarga 6 ta (5,5 milliard so‘mlik) so‘rovnoma yuborilgan.
Izoh (0)