Respublika miqyosida ichimlik va oqova suv taʼminotida isteʼmolchilarning debitor qarzdorligi aprel oyi holatiga ko‘ra 1 trillion 36 millirad so‘mni tashkil etmoqda. Bu haqda “O‘zsuvtaʼminot” AJ axborot xizmati rahbari Akmal Murodov “Daryo”ga maʼlum qildi.
“Respublikada isteʼmolchilarning debitor qarzdorligi tobora oshib bormoqda va bugungi kunda 1 trillion 36 milliard so‘mni tashkil etmoqda. Shundan jismoniy isteʼmolchilarning qarzdorligi 1 trillion 13 milliard so‘mni tashkil etsa, 224 milliard so‘mlik qarzdorlik yuridik isteʼmolchilarning hissasiga to‘g‘ri kelmoqda”, dedi Akmal Murodov.
Qarzdorlik miqdori eng yuqori bo‘lgan hududlar:
Toshkent shahri: 256 milliard so‘m;
Andijon viloyati: 153 milliard so‘m;
Toshkent viloyati: 147 milliard so‘m.
“Isteʼmolchilarning qarzdorligi bilan bir qatorda sohadagi eng og‘riqli muammolardan biri ichimlik va oqova suv tizimlaridan o‘zboshimchalik bilan foydalanish, yaʼni noqonuniy ulanish holatlari bo‘lib qolmoqda. Xususan, o‘tgan 2022-yil hisobida 2 ming 240 ta noqonuniy ulanish holatlari aniqlangan. Mazkur qonunbuzarliklar natijasida 41 milliard 5 million so‘mlik zarar yetkazilgan”, dedi “O‘zsuvtaʼminot” dedi vakili.
Noqonuniy ulanish holatlari bo‘yicha eng yuqori ko‘rsatkichlar:
Toshkent viloyatida: 572 ta
Xorazm viloyatida: 940 ta
Samarqand viloyatida: 344 ta
Qo‘shimcha qilinishicha, joriy yilning o‘tgan davri mobaynida ichimlik va oqova suv tarmoqlariga 407 ta o‘zboshimchalik bilan ulanish holatlari aniqlangan. Natijada 3 milliard 9 million so‘mlik zarar yetkazilgan.
Izoh (0)