Сурхондарё вилояти Узун туманида 30 апрель куни эркак қайнукаси томонидан пичоқланди. Бу ҳақда вилоят ИИБ ахборот хизмати хабар берди.
Хабарга кўра, ҳодиса 30 апрель куни соат 20-30 ларда Узун тумани “Маданий турмуш” маҳалласида содир бўлган. Ушбу маҳаллада яшовчи, С.С. яшаш уйида турмуш ўртоғи М.С.нинг укаси — М.С. томонидан пичоқланган.
Ҳолат бўйича 3 май куни М.С.га нисбатан Жиноят кодексининг 105-моддаси 2-қисми билан жиноят иши қўзғатилган.
Пичоқлаш билан якунланган оилавий жанжаллар
Март бошларида Бухорода эр жанжал сабаб хотинини пичоқлагани, Жиззахда эр рашк сабаб аввал хотинини кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
Шунингдек, 2022 йилнинг декабрида Тошкент вилоятида келин оилавий келишмовчилик оқибатида қайнонасини камида 20 маротаба пичоқлаган эди. Ушбу ҳолат юз берган хонадонда қайнона-келин чиқиша олмай қолган. Пичоқланган қайнонанинг айтишича, 9 ойдан бери келини унинг гапларига кирмай, айтган ишларини қилмай келган.
Изоҳ (0)