O‘zbekistonda teleradioeshittirishlarni tarqatish bilan shug‘ullanishda davlat boji 50 foizga kamaytirilishi belgilanmoqda. Bu haqda O‘zA xabar berdi.
Oliy Majlis Qonunchilik palatasining majlisida “Teleradioeshittirishlarni tarqatish (namoyish qilish) faoliyati bilan shug‘ullanish uchun davlat boji miqdorlari maqbullashtirilishi munosabati bilan “Davlat boji to‘g‘risida”gi O‘zbekiston Respublikasi Qonuniga o‘zgartishlar va qo‘shimcha kiritish haqida”gi qonun loyihasi muhokama qilindi.
Qonun loyihasi bilan eleradioeshittirishlarni tarqatish (namoyish qilish) tarmoqlarini loyihalashtirish, qurish, ulardan foydalanish va ularga xizmatlar ko‘rsatishga doir litsenziya berganlik uchun davlat bojining miqdorini 50 foizga kamaytirish belgilanmoqda. Davlat bojini yil davomida bo‘lib-bo‘lib to‘lash imkoniyati yaratilmoqda. Shuningdek,qayta tashkil etilgan ijro etuvchi hokimiyat organining nomini aniqlashtirishni nazarda tutuvchi o‘zgartishlar kiritilmoqda.
Majlisda deputatlar qonun loyihasi nazarda tutilgan muddatlardan kechikib kiritilganini qayd etdi. Muhokama va savol-javoblardan so‘ng qonun loyihasi deputatlar tomonidan qabul qilindi.
Izoh (0)